సామ్ - చైతూల డైవోర్స్ పై మురళీమోహన్ షాకింగ్ కామెంట్స్
cinema | Suryaa Desk | Published : Thu, Jul 21, 2022, 04:55 PM
నాగచైతన్య, సమంతలకు విడివిడిగా ఎంతటి ఫ్యాన్ ఫాలోయింగ్ ఉందో, కపుల్ గా కూడా అంతే మంచి ఫాలోయింగ్ ఉంది. ఈ క్యూట్ కపుల్ డివోర్స్ ను ఇంకా వారి అభిమానులు నమ్మలేని స్థితిలో ఉన్నారు. ఈ ఇద్దరి రిలేషన్, అండ్ బ్రేకప్ పై వెటరన్ యాక్టర్, ప్రొడ్యూసర్ మురళీమోహన్ సెన్సేషనల్ కామెంట్స్ చేసారు.
అసలు మురళీమోహన్ కు, చైతు, సమంతలకు ఉన్న రిలేషన్ ఏంటి అనుకుంటున్నారా? మురళీమోహన్ కు చెందిన ఒక అపార్ట్ మెంట్ లోనే చై, సామ్ లు కాపురం చేసారు. పెళ్ళికి ముందు ఒకసారి నాగచైతన్య, హైదరాబాద్ లోని మురళి మోహన్ కు చెందిన అపార్ట్ మెంట్ ను చూసి, చాలా నచ్చి అమ్మమని ఆయన్ను అడిగాడట. ఆయన కాదని అనడంతో తదుపరి నాగార్జునతో ఫోన్ చేయించి మరీ చైతు ఆ అపార్ట్మెంట్ ను ఎంతో ఇష్టపడి, కష్టపడి కొనుక్కున్నాడు. సమంతతో వివాహం తర్వాత చైతన్య ఆమెతో కలిసి ఆ అపార్ట్మెంట్ లోనే ఉన్నాడు. వీరిద్దరూ ఎంతో అన్యోన్యంగా జీవించేవారని, సరదాకు కూడా గొడవపడేవాళ్లు కాదని, చూడముచ్చటైన జంట ఇలా విడిపోవడం చాలా బాధాకరమని మురళీమోహన్ అన్నారు. నిజానికి వారిద్దరూ విడిపోయినట్టు తన ఇంటి పనిమనిషి ద్వారా తెలిసిందని, ముందే తెలిసుంటే నాగార్జున గారితో కలిసి తాను కూడా వారిద్దరికీ నచ్చచెప్పే ప్రయత్నం చేసేవాడినని, తనకు తెలిసేలోగానే జరగాల్సినదంతా జరిగిపోయిందని, వాళ్లకు అంతవరకే రాసిపెట్టి ఉందని ఆయన తెలిపారు.
|
|