కమల్ నిర్మాణంలో ... యాక్టర్ -పొలిటీషియన్ కొత్త సినిమా
cinema | Suryaa Desk | Published : Wed, Jul 27, 2022, 02:46 PM
ఉళగనాయగన్ కమల్ హాసన్ ఇటీవలే "విక్రమ్" సినిమాతో ఆడియన్స్ ను పలకరించారు. లోకేష్ కనగరాజ్ డైరెక్షన్లో పక్కా యాక్షన్ థ్రిల్లర్ గా తెరకెక్కిన ఈ సినిమాను కమల్ తన సొంత బ్యానర్ రాజ్ కమల్ ఇంటర్నేషనల్ ఫిలిమ్స్ బ్యానర్ పై నిర్మించారు.
విక్రమ్ లాంటి బ్లాక్ బస్టర్ హిట్ తర్వాత కమల్ తన సొంత బ్యానర్ లో నిర్మింపబడే కొత్త సినిమాను ప్రకటించారు. నటుడు, రాజకీయ నాయకుడు ఉదయనిధి స్టాలిన్ లీడ్ రోల్ లో కమల్ ఒక సినిమాను నిర్మించబోతున్నారు. ఈ విషయాన్ని నిన్న చెన్నైలో జరిగిన ఒక ఈవెంట్ లో కమల్ తెలిపారు. ఉదయనిధి స్టాలిన్ ప్రొడక్షన్ హౌస్ రెడ్ జైంట్ మూవీస్ నిన్నటితో పదిహేనేళ్లను పూర్తి చేసుకున్న సందర్భంగా ఒక గ్రాండ్ ఈవెంట్ నిర్వహింపబడింది. ఈ ఈవెంట్ కు మిస్టర్ పర్ఫెక్ట్ ఆమీర్ ఖాన్ చీఫ్ గెస్ట్ గా హాజరయ్యారు.
గతంలో ఉదయనిధి స్టాలిన్ సినిమాలకు ఫుల్ స్టాప్ పెడుతున్నాడని, ఇకపై పూర్తిగా రాజకీయాలలోనే గడపబోతున్నట్టు ప్రచారం జరిగింది. మరి, ఈ కొత్త సినిమా ప్రకటన ఆ వార్తలను నిర్వీర్యం చేస్తుంది.
|
|