దసరాకి ఫిక్సైన రామ్ - బోయపాటి సినిమా షూటింగ్..!!
cinema | Suryaa Desk | Published : Thu, Sep 29, 2022, 02:33 PM
నటసింహం నందమూరి బాలకృష్ణతో "అఖండ" సినిమా తీసి, కెరీర్లోనే బిగ్గెస్ట్ బ్లాక్ బస్టర్ హిట్ అందుకున్నారు డైరెక్టర్ బోయపాటి శ్రీను. ఆ మూవీ విడుదలై పది నెలలు కావొస్తున్నా ఇంకా బోయపాటి తన నెక్స్ట్ మూవీని స్టార్ట్ చెయ్యలేదు. అటు బాలయ్య మాత్రం గోపీచంద్ మలినేనితో శరవేగంగా సినిమా షూటింగ్ కానిచ్చేస్తున్నారు.
రామ్ తో సినిమాను గతంలోనే ప్రకటించి, పూజా కార్యక్రమాలలో లాంఛనంగా సినిమాను ప్రారంభించేసారు కూడా బోయపాటి. కానీ మూవీ అంతకూ ఇంతకూ షూటింగ్ స్టార్ట్ చెయ్యట్లేదని అభిమానులు కంగారు పడిపోతున్నారు.
ఈ నేపథ్యంలో బోయపాటి దసరాకు అంటే అక్టోబర్ ఆరవ తేదీ నుండి షూటింగ్ స్టార్ట్ చెయ్యాలని ఫిక్స్ అయ్యారట. ఈ షెడ్యూల్ దాదాపు ఒక నెలరోజుల పాటు ఉంటుందట. ఇప్పటికే రామోజీ ఫిలింసిటిలో ఒక భారీ సెట్ ను రూపొందించారని టాక్.
పోతే, ఈ సినిమాలో 'ఏజెంట్' భామ సాక్షివైద్య హీరోయిన్ గా నటిస్తుందని ప్రచారం జరుగుతుంది.
|
|