సాయిధరంతేజ్ బర్త్ డే కానుకగా విడుదలైన న్యూ మూవీ పోస్టర్
cinema | Suryaa Desk | Published : Sat, Oct 15, 2022, 10:35 AM
గతేడాది సెప్టెంబర్ లో ఘోరప్రమాదానికి గురైన మెగా మేనల్లుడు సాయిధరమ్ తేజ్, ఆపై పూర్తి ఆరోగ్యంగా కోలుకుని ప్రొఫెషనల్ లైఫ్ ని స్టార్ట్ చేసారు.
సుకుమార్ రైటింగ్స్, శ్రీ వెంకటేశ్వర సినీ చిత్ర సంస్థలు సంయుక్తంగా నిర్మిస్తున్న, ఇంకా టైటిల్ లాక్ చెయ్యని ఒక సినిమాలో సాయిధరమ్ లీడ్ రోల్ లో నటిస్తున్నాడు. ఇది సాయిధరమ్ కు 15వ సినిమా అందుకే, SDT 15 అని పిలుస్తున్నారు. ఈ చిత్రానికి కార్తీక్ దండు డైరెక్టర్.
ఈ రోజు సాయిధరమ్ పుట్టినరోజు కావడంతో మేకర్స్ ఈ సినిమా నుండి స్పెషల్ పోస్టర్ ను విడుదల చేసారు. ఈ పోస్టర్ లో ఒక గుహలో ఒక సమావేశం జరుగుతుంటుంది. సాయి ధరమ్ ఏదో చెప్పగానే మిగిలిన వారందరూ ఆవేశంతో అరుస్తూ ఉంటారు.
పిల్లా నువ్వు లేని జీవితం తో సినీరంగ ప్రవేశం చేసిన సాయిధరమ్ తొలి సినిమాతో సూపర్ హిట్ కొట్టారు. ఆపై చేసిన సుబ్రహ్మణ్యం ఫర్ సేల్, సుప్రీమ్ చిత్రాలు కూడా కమర్షియల్ గా ఘనవిజయం సాధించాయి. ఐతే, సాయి ఆ తరవాత చేసిన అరడజను సినిమాలు కూడా డిజాస్టర్లుగా నిలిచాయి. ఈ నేపథ్యంలో 2019లో వచ్చిన చిత్రలహరి సినిమా తిరిగి సాయిధరమ్ ను సక్సెస్ ట్రాక్ ఎక్కించింది.
|
|