వరల్డ్ టీవీ ప్రీమియర్ తేదీని లాక్ చేసిన 'కార్తికేయ 2'
cinema | Suryaa Desk | Published : Mon, Nov 07, 2022, 08:33 PM
చందూ మొండేటి దర్శకత్వంలో టాలీవుడ్ యంగ్ అండ్ టాలెంటెడ్ హీరో నిఖిల్ సిద్ధార్థ నటించిన 'కార్తికేయ 2' సినిమా గ్రాండ్ గా రిలీజ్ అయ్యి విడుదలైన అన్ని చోట్ల పాజిటివ్ టాక్ ని అందుకొని సాలిడ్ కలెక్షన్స్ ని రాబట్టింది. ఈ చిత్రంలో నిఖిల్ కి లేడీ లవ్‌గా గ్లామర్ బ్యూటీ అనుపమ పరమేశ్వరన్ నటించింది. ఈ ఇన్వెస్టిగేటివ్ థ్రిల్లర్ డ్రామాలో సంతనుగా ఆదిత్య మీనన్, సులేమాన్‌గా హర్ష చెముడు, సదానందగా శ్రీనివాస రెడ్డి, ప్రవీణ్, సత్య మరియు తులసి ముఖ్యమైన పాత్రల్లో నటించారు.
లేటెస్ట్ అప్డేట్ ప్రకారం, ఈ సినిమా హిందీ వెర్షన్ ZEE సినిమాలో నవంబర్ 27, 2022న రాత్రి 8 గంటలకు ప్రదర్శించబడుతుంది అని సమాచారం. అంతేకాకుండా తెలుగు వెర్షన్ కూడా అదే రోజున వరల్డ్ టెలివిజన్ ప్రీమియర్‌ని ప్రదర్శించాలని ప్లాన్ చేస్తున్నట్లు వార్తలు వినిపిస్తున్నాయి. దీనికి సంబంధించి అధికారిక ప్రకటన వెలువడాల్సి ఉంది. అభిషేక్ అగర్వాల్ ఆర్ట్స్ మరియు పీపుల్ మీడియా ఫ్యాక్టరీ ఈ సినిమాని నిర్మిస్తుంది. ఈ సినిమాకి కాల భైరవ సంగీతం అందించారు.
|
|