తన పెళ్లి పై స్పందించిన అంజలి
cinema | Suryaa Desk | Published : Sun, Feb 24, 2019, 11:39 AM
త్వరలోనే పెళ్లి చేసుకోబోతున్నానన్న వార్తలను సినీ హీరోయిన్ అంజలి ఖండించింది. ప్రస్తుతం తాను నటనతో బిజీగా ఉన్నానని, పెళ్లి ఆలోచన లేదని కొట్టిపారేసింది. ఒకవేళ పెళ్లి చేసుకున్నా నటన కొనసాగిస్తానని స్పష్టం చేసింది. తెలుగులో ‘సీతమ్మవాకిట్లో సిరిమల్లెచెట్టు’ సినిమాలో సీత పాత్రతో తెలుగు ప్రేక్షకుల మనసు చూరగొన్న అచ్చమైన ఈ తెలుగు అమ్మాయి ప్రస్తుతం తమిళంలో పలు అవకాశాలతో బిజీగా ఉన్నారు. ‘కట్రదు తమిళ్’ చిత్రంతో తమిళ సినీ పరిశ్రమకు పరిచయమైన ఈ అమ్మడు ఆ తర్వాత వరుసగా పలు అవకాశాలు రావడంతో తమిళ అమ్మాయిగా మారిపోయారు. ఇటీవల ‘తరుమణి, పేరున్బు’ తదితర చిత్రాల్లో నటించారు. పాత్రల్లో సహజత్వాన్ని ఒలికించి తనకంటూ ప్రత్యేక గుర్తింపు సొంతం చేసుకున్న అంజలికి ఇప్పటికీ కోలివుడ్లో పుష్కలంగా అవకాశాలు వస్తున్నాయి.
దీంతో అక్కడ బిజీగా ఉన్న అంజలి ఇటీవల కాలంలో ఓ తమిళ నటుడితో ప్రేమలో పడిందని, అతన్ని పెళ్లాడబోతోందన్న వార్తలు షికారు చేస్తున్నాయి. దీనిపై స్పందించిన అంజలి ప్రస్తుతానికి అటువంటి ఆలోచన లేదని కొట్టిపారేసింది. కాకపోతే పెళ్లి చేసుకున్నంత మాత్రాన నటన మానేయాలని లేదన్నారు. పెళ్లి తర్వాత నటనకు దూరమైన ఎంతోమంది హీరోయిన్లు మళ్లీ నటించేందుకు వస్తున్నప్పుడు పెళ్లయిన తర్వాత నేనెందుకు ఇంట్లో కూర్చోవాలని ఎదురు ప్రశ్నిస్తోంది.
|
|