డైరెక్టర్ క్రిష్ రెండో పెళ్లి..పెళ్లికూతురు ఎవరో తెలుసా?

గమ్యం తో అందరి దృష్టిని తన వైపునకు తిప్పుకున్నాడు డైరెక్టర్ క్రిష్ జాగర్లమూడి. ఇక అల్లు అర్జున్, మంచు మనోజ్ లతో కలిసి మల్టీ స్టారర్ మూవీ వేదంతో విమర్శకుల ప్రశంసలు సైతం అందుకున్నాడు.వీటి తర్వాత కృష్ణం వందే జగద్గురుమ్, కంచె, గౌతమీ పుత్ర శాతకర్ణి తదితర లతో టాలీవుడ్ వెర్స టైల్ డైరెక్టర్లలో ఒకరిగా గుర్తింపు తెచ్చుకున్నాడు. గబ్బర్ ఈజ్ బ్యాక్ (ఠాగూర్ రీమేక్) తో బాలీవుడ్ లోనూ సత్తా చాటాడు క్రిష్. అయితే బాలకృష్ణ ఎన్టీఆర్ కథా నాయకుడు, మహా నాయకుడు లు క్రిష్ ను కాస్త వెనక్క నెట్టాయి. కంగనా రనౌత్ మణికర్ణిక మధ్యలోనే తప్పుకున్నాడు. ఇక మెగా హీరో వైష్ణవ్ తేజ్ తో కలిసి క్రిష్ తెరకెక్కించిన కొండ పొలం కు విమర్శకుల ప్రశంసలు వచ్చాయి కానీ కాసులు రాలేదు. ఇక పవర్ స్టార్ పవన్ కల్యాణ్ తో కలిసి హరి హర వీర మల్లు ను కూడా ప్రారంభించాడు. అయితే కొన్ని కారణాలతో ఈ ప్రాజెక్టు నుంచి కూడా మధ్యలోనే తప్పుకున్నాడీ ట్యాలెంటెడ్ డైరెక్టర్. ప్రస్తుతం అనుష్కా శెట్టితో కలిసి ఘాటీ అనే ఓ లేడీ ఓరియంటెడ్ మూవీని క్రిష్ తెరకెక్కిస్తున్నాడు.

ఇటీవల ఈ మూవీ నుంచి రిలీజైన టీజర్ ఘాటీపై అంచనాలను రెట్టింపు చేసింది.ల సంగతి పక్కన పెడితే.. క్రిష్ వ్యక్తిగత జీవితం ఒడిదొడుకులతో కొనసాగుతోంది. 2016లో రమ్య అనే వైద్యురాలిని వివాహం చేసుకున్నాడీ ట్యాలెంటెడ్ డైరెక్టర్. అయితే ఐదేళ్లకే వీరి వివాహ బంధం బీటలు వారింది. ఇద్దరి మధ్య విభేదాలు తలెత్తడంతో 2021లో పరస్పర అంగీకారంతో విడాకులు తీసుకుని విడిపోయారు. అప్పటి నుంచి క్రిష్ మాత్రం సింగిల్ గానే ఉంటున్నాడు. అయితే ఇప్పడు కొత్త జీవితం ప్రారంభించేందుకు ఈ క్రేజీ డైరెక్టర్ రెడీ అయ్యాడని సమాచారం. హైదరాబాద్‌ కి చెందిన ఓ ప్రముఖ వైద్యురాలితో క్రిష్ వివాహం జరగనుందని సమాచారం. త్వరలోనే వీరి వివాహం జరగనుందని సమాచారం. ఈ క్రమంలోనే క్రిష్ కు కాబోయే భార్యకు సంబంధించిన ఫొటోలు ఇప్పుడు నెట్టింట చక్కర్లు కొడుతున్నాయి. అయితే వధువు ఆమెనో కాదో తెలియాలంటే మాత్రం పెళ్లి వరకు ఎదురు చూడాల్సిందే.