|
|
by Suryaa Desk | Wed, Dec 25, 2024, 02:51 PM
రామ్ చరణ్ హీరోగా బుచ్చిబాబు దర్శకత్వంలో ఓ సినిమా తెరకెక్కుతోన్న విషయం తెలిసిందే. 'ఆర్‌సీ 16'గా ఇది ప్రచారంలో ఉంది.ఇటీవల దీని రెగ్యులర్ షూట్ మొదలైంది. తాజాగా దీని షూటింగ్ అప్‌డేట్‌ను సినిమాటోగ్రాఫర్‌ రత్నవేలు పంచుకున్నారు. ఈ సినిమాలో తాను భాగమైనట్లు తెలిపారు. 'రంగస్థలం' తర్వాత రామ్ చరణ్ సినిమాకు వర్క్‌ చేస్తున్నట్లు చెప్పారు. ప్రస్తుతం దీని షూటింగ్ మైసూర్‌లో జరుగుతున్నట్లు తెలిపారు. రాత్రి వేళ కూడా చిత్రీకరణ చేస్తున్నట్లు తెలుపుతూ ఓ ఫొటోను షేర్ చేశారు. మంచి టీమ్‌తో కలిసి వర్క్‌ చేస్తున్నందుకు ఆనందంగా ఉందన్నారు . సినిమా విడుదల కోసం ఆసక్తిగా ఎదురుచూస్తున్నట్లు చెప్పారు. రత్నవేలు ఈ సినిమాకు వర్క్‌ చేస్తున్నట్లు చెప్పడంతో దీనిపై అంచనాలు నెలకొన్నాయి. దీనితో పాటు ఎట్టకేలకు ఈ సినిమా షూటింగ్ అప్డేట్ బయటకు రావడంతో అభిమానులు సంబర పడుతున్నారు.
బుచ్చిబాబు ఈ సినిమా కోసం దాదాపు రెండేళ్ల నుంచి వర్క్‌ చేస్తున్నారు. స్పోర్ట్స్‌ డ్రామాగా... గ్రామీణ నేపథ్యంలో సాగే కథతో ఈ సినిమా సిద్ధం కానున్నట్లు తెలుస్తోంది. ఇందులో రామ్‌చరణ్‌ పాత్ర పవర్‌ఫుల్‌గా ఉండనుంది. జాన్వీకపూర్‌ కథానాయిక. కన్నడ నటుడు శివ రాజ్కుమార్, జగపతిబాబు ఈ సినిమాలో కీలక పాత్ర పోషిస్తున్నారు. రెహమాన్ స్వరాలు అందించనున్నారు. మైత్రీ మూవీ మేకర్స్, వృద్ధి సినిమాస్‌, సుకుమార్ రైటింగ్స్‌ సంస్థలు కలిసి నిర్మిస్తున్నాయి. ఈ చిత్రానికి 'పెద్ది' అనే టైటిల్ ప్రచారంలో ఉంది. ఈ చిత్రానికి సంబంధించి ఇప్పటికే మ్యూజిక్‌ వర్క్స్‌ మొదలయ్యాయని.. రెండు పాటలు కూడా పూర్తి చేశానని ఇటీవల రెహమాన్ తెలియజేశారు.
Latest News