తెలంగాణలో విద్యార్థులకు, ఉద్యోగులకు గుడ్‌న్యూస్.. ఆ నాలుగు రోజులు సెలవులు..!

తెలంగాణలోని విద్యార్థులకు, ఉద్యోగులకు గుడ్ న్యూస్. జులైలో విద్యార్థులకు పెద్ద ఎత్తున సెలవులు దొరకనున్నాయి. అందులోనూ.. వరుసగా రెండు రోజులు సెలవులు రానున్నాయి. 9, 10 తేదీల్లో రెండు రోజుల పాటు సెలవులు ప్రకటిస్తూ.. తెలంగాణ రాష్ట్ర ప్రభుత్వం కీలక ప్రకటన చేసింది. మొహర్రం నెలను పురస్కరించుకుని జులై 9, 10 తేదీలను రాష్ట్ర ప్రభుత్వం సెలవులుగా ప్రకటించింది. మొహర్రం మాసంలో షియా, సున్నీ ముస్లింలు సంతాప దినాలుగా జరపుకోవడం ఎప్పటి నుంచో ఆనవాయితీగా వస్తుంది.

మహాప్రవక్త మనవడు హజ్రత్‌ ఇమాం హుస్సేన్‌తో పాటు 72 మంది కుటుంబ సభ్యులు యజీదుల చేతుల్లో షహీదులైన వైనాన్ని పురస్కరించుకుని ఈ సంతాప దినాలు నిర్వహిస్తుంటారు. ఈ క్రమంలోనే ఈ ఏడాది ఆ రోజులను సంతాపదినాలుగా పేర్కొంటూ సెలవులు ప్రకటించింది. ఈ క్రమంలోనే 9, 10 తేదీలను సెలవును ప్రకటిస్తూ ప్రభుత్వం శనివారం రోజున ఉత్తర్వులు జారీ చేసింది. అంటే ఈ సోమవారం బడికి వెళితే.. మంగళ, బుధవారం హాలీడేస్ అన్నమాట.

మరోవైపు.. ఇస్లామిక్‌ క్యాలెండర్‌ ప్రకారం.. ముస్లిం సోదరులకు మొహర్రం మొదటి నెల. అయితే.. వారికి ఈ నెల విషాదాలతో మొదలవుతోంది. మొహర్రం మాసంలో 10 వ రోజున షియా ముస్లింలు ఆలం (పీర్ల)ను ఊరేగిస్తుంటారు. ఆరోజు హజ్రత్ ఇమాం హుస్సేన్‌ను గుర్తుచేసుకుంటూ.. తమ సంతాపాన్ని తెలుపుతారు. సున్నీ తెగకు చెందిన ముస్లింలు ఉపవాస దీక్షలతో పాటు ప్రత్యేక ప్రార్థనలు జరుపుకుంటారు.

వీటితో పాటు మొహర్రం సెలవులను కూడా తెలంగాణ ప్రభుత్వం ప్రకటించింది. అప్పుడు కూడా వరుసగా రెండు రోజులు సెలువు రానున్నాయి. అయితే ఈ సెలవులు.. కేవలం విద్యార్థులకే కాదు.. ఉద్యోగస్థులకు కూడా వర్తించనున్నాయి. క్యాలెండర్‌ ప్రకారం.. జూలై 16, 17 తేదీల్లో ప్రభుత్వ ఉద్యోగులు, విద్యార్థులకు సెలవులు ప్రకటించింది. ఇవి కూడా మంగళ, బుధవారాల్లోనే రావటం గమనార్హం. దీంతో.. తెలంగాణలోని విద్యార్థులు, ఉద్యోగస్థులకు మొత్తం నాలుగు రోజులు సెలవులు దొరకనున్నాయన్న మాట.