భారత రాష్ట్రపతిని కలిసిని భూక్య యశ్వంత్

తెలంగాణకు చెందిన యువ, టాలెంటెడ్ పర్వతారోహకుడు భూక్య యశ్వంత్‌కి భారత రాష్ట్రపతి ద్రౌపది ముర్మును కలిసే అసాధారణ గౌరవం లభించింది. ఈరోజు హైదరాబాద్‌లోని రాష్ట్రపతి నిలయంలో ద్రౌపది ముర్మును కలిశాడు.నిరాడంబరమైన గిరిజన ప్రాంతం నుంచి వచ్చిన యశ్వంత్, పర్వతారోహణలో విశేషమైన విజయాలు సాధించాడు. సవాళ్లను అధిగమించి తన స్ఫూర్తిదాయకమైన ప్రయాణాన్ని సాగించాడు. అతను మౌంట్ కిలిమంజారో, మౌంట్ ఎల్బ్రస్, మౌంట్ యునామ్, మౌంట్ కాంగ్ యాట్సే II, మౌంట్ ఎవరెస్ట్ బేస్ క్యాంప్ శిఖరం సహా తన విజయవంతమైన యాత్రల గురించి మాట్లాడాడు. అతను అరుణాచల్ ప్రదేశ్‌లోని గోరిచెన్ పర్వతాన్నీ, ఆస్ట్రేలియాలోని ఎత్తైన శిఖరమైన కోస్కియుస్కో పర్వతాన్ని స్కేలింగ్ చేయడంలో సాధించిన విజయాల్ని హైలైట్ చేశాడు.రాష్ట్రపతి ద్రౌపది ముర్ము అతన్ని అభినందించారు, అతను భవిష్యత్తులో మరిన్ని విజయాలు సాధించాలని ఆశీర్వదించారు, యశ్వంత్‌కు లోతైన స్ఫూర్తినిచ్చే ప్రోత్సాహకరమైన సందేశాన్ని షేర్ చేశారు. ఆమె మాటలు అతన్ని మరిన్ని ఉన్నత శిఖరాలకు చేరుకోవడానికీ, దేశం గర్వించేలా చేయడానికి ప్రేరణ కలిగించాయి.

యశ్వంత్ తన కృతజ్ఞతలు తెలుపుతూ, "గౌరవనీయులైన రాష్ట్రపతితో నా ప్రయాణాన్ని పంచుకోవడం చాలా వినయపూర్వకమైన అనుభవం. పేద గిరిజన ప్రాంతం నుంచి వచ్చినా, ఆమె ప్రోత్సాహం, మాటలు నాకు ప్రపంచాన్ని సూచించాయి. నేను నా పర్వతారోహణ యాత్రలను కొనసాగిస్తున్నప్పుడు అవి ఎనర్జీగా మారతాయి" అని తెలిపాడు.భూక్య యశ్వంత్ ప్రయాణం, పట్టుదల.. దృఢ సంకల్పానికి ఉదాహరణగా ఉన్నాయి. అసంఖ్యాకమైన యువకులకు, ముఖ్యంగా వెనుకబడిన వర్గాల నుంచి వచ్చిన వారు, పెద్ద కలలు కనడానికీ, తమ లక్ష్యాలను సాధించడానికి అతను స్ఫూర్తిగా నిలుస్తున్నాడు.