రాజస్థాన్‌తో రేవంత్ సర్కార్ భారీ ఒప్పందం

దేశానికి ఆదర్శంగా తెలంగాణ రాష్ట్రాన్ని నిలపాలన్న లక్ష్యంతో.. రేవంత్ రెడ్డి సర్కార్ కృషి చేస్తోంది. ఇందులో భాగంగా.. ఇప్పటికే పలు విదేశీ కంపెనీల నుంచి భారీ స్థాయిలో పెట్టుబడులు రాబట్టిన రేవంత్ రెడ్డి ప్రభుత్వం.. ప్రతిష్టాత్మక ఒప్పందాలు కూడా చేసుకుంటోంది. రేవంత్ రెడ్డి ప్రభుత్వ చొరవతో.. సింగరేణి సంస్థ.. తన వ్యాపార విస్తరణలో ప్రతిష్టాత్మక ముందడుగు వేసింది. సోమవారం (మార్చి 02వ తేదీన) రోజు రాజస్థాన్ ప్రభుత్వంతో సింగరేణి సంస్థ భారీ ఒప్పందం కుదుర్చుకోనుంది.

రాజస్థాన్ విద్యుత్ శాఖతో 3100 మెగా వాట్ల విద్యుత్ ప్రాజెక్టులపై సింగరేణి చారిత్రాత్మక ఒప్పందం చేసుకుంది. రాజస్థాన్ ముఖ్యమంత్రి భజన్ లాల్ శర్మ, తెలంగాణ డిప్యూటీ సీఎం భట్టివిక్రమార్క సమక్షంలో ఎంఓయూ చేసుకోనున్నారు. ఈ క్రమంలోనే డిప్యూటీ సీఎం భట్టి విక్రమార్క రెడ్డి, ఎనర్జీ సెక్రటరీ సందీప్ కుమార్ సుల్తానియా, సింగరేణి సీఎండీ ఎన్. బలరాం, ట్రాన్స్ కో సీఎండీ కృష్ణ భాస్కర్ రాజస్థాన్ చేరుకున్నారు. ఈ రోజు (మార్చి 03న) మధ్యాహ్నం రాజస్థాన్‌లో ఎంఓయూ చేసుకోనున్నట్లు అధికారులు తెలిపారు.

రాజస్థాన్ విద్యుత్ శాఖ అనుబంధ సంస్థతో కలిసి జాయింట్ వెంచర్‌ కంపెనీ ఏర్పాటు చేయబోతుంది. జాయింట్ వెంచర్ కంపెనీతో 1600 మెగావాట్ల థర్మల్ విద్యుత్, రాజస్థాన్‌లో 1500 మెగావాట్ల సోలార్ విద్యుత్ ఉత్పాదనకు ఒప్పందం కుదుర్చుకోకున్నట్లు అధికారులు చెప్తున్నారు. ఈ ఒప్పందం.. సింగరేణి ఆర్థిక పరిపుష్ఠికి అతిపెద్ద అవకాశమని తెలిపారు. మొత్తం వ్యయంతో పాటు లాభాల్లో సింగరేణి సంస్థ 74 శాతం, రాజస్థాన్ విద్యుత్ ఉత్పాదన్ నిగం లిమిటెడ్‌కు 26 శాతం వాటా ఉంటుంది. తొలిసారిగా ఇతర రాష్ట్రాల్లో అతిపెద్ద సోలార్ విద్యుత్ ప్లాంట్ల ఏర్పాటుతో జాతీయ స్థాయి కంపెనీగా సింగరేణికి గుర్తింపు పొందుతుందని తెలంగాణ ప్రభుత్వం భావిస్తోంది.

ఇదిలా ఉంటే.. ఆస్ట్రేలియాలోని క్వీన్స్‌ల్యాండ్‌ ఆర్థిక, వాణిజ్య, ఉపాధి, శిక్షణశాఖ మంత్రి రాస్‌బేట్స్‌ ఇటీవలే సింగరేణి భవన్‌ను సందర్శించారు. డిప్యూటీ సీఎం భట్టి విక్రమార్క, సింగరేణి అధికారులతో ప్రత్యేకంగా సమావేశమై.. మైనింగ్‌ రంగంలో అధునాతన టెక్నాలజీపై చర్చించారు. వనాడియం, కాపర్‌, గ్రాఫైట్‌, కోబాల్ట్‌ తదితర వాటిపై సింగరేణి-క్వీన్స్‌లాండ్‌ మధ్య పరస్పర సహకారంపై చర్చలు జరపనున్నారు. సింగరేణి భవన్‌ను సందర్శించిన తొలి విదేశీ మంత్రిగా రాస్‌బేట్స్‌ నిలుస్తారని సింగరేణి సీఎండీ ఎన్‌ బలరామ్‌ తెలిపారు.