వ్యభిచారంలో ట్రాన్స్‌ జెండర్ల కొత్త పంథా.. . సీక్రెట్ వీడియో వైరల్

ట్రాన్స్‌ జెండర్ల ఆగడాలకు అడ్డూ అదుపు లేకుండా పోతోంది. రోడ్డుపై హల్‌చల్ చేస్తూ వచ్చిపోయేవారిని భయబ్రాంతులకు గురి చేస్తున్నారు. ఎక్కడైనా ఫంక్షన్ హాల్లో కార్యక్రమాలు చేస్తున్నట్లు తెలిస్తే చాలు వెంటనే ప్రత్యక్షమవుతారు. ఇక నిర్వాహకులు వాళ్లు అడిగినంత డబ్బు ఇవ్వాల్సిందే. లేదంటే వాళ్లు చేసే అరాచకం అంతా ఇంతా కాదు. అసహ్యంగా ప్రవర్తిస్తూ.. ఇష్టం వచ్చినట్లు అసభ్య పదజాలంతో దూషిస్తారు. ఫంక్షన్‌కు వచ్చిన మహిళలు వారు మాట్లాడే మాటలు వినలేక చెవులు, నోరు మూసుకొని దూరంగా వెళ్తున్న ఘటనలు చాలా జరిగాయి. పెళ్లి జరిగితే ఒక రేటు, చిన్న పాటి ఫంక్షన్లు జరిగితే మరో రేటు మాట్లాడుతారు. ఫంక్షన్ ఏదైనా అడిగనంత ఇవ్వాల్సిందే. వీరి ఆగడాలు పగలే కాదు.. రాత్రి వేళల్లో కూడా కంటిన్యూ చేస్తున్నారు. తెలంగాణ ఒక్కటే కాదు.. ఏపీలో కూడా కొన్ని ప్రాంతాలను ఎంచుకొని.. అక్కడ వ్యభిచారం నిర్వహిస్తున్నారు. దీంతో వచ్చిపోయే వాళ్లకు చాలా ఇబ్బందులను కలిగిస్తున్నారు. ఇటువంటి ఘటనే ఒకటి హైదరాబాద్ లోని సరూర్ నగర్ లో చోటుచేసుకుంది.

సరూర్ నగర్‌లో వ్యభిచారం చేస్తున్న 10 మంది హిజ్రాలను స్థానిక పోలీసులు అరెస్ట్‌ చేశారు. సరూర్ నగర్ పీ అండ్ టీ కాలనీలో నివాసం ఉంటూ రెడ్ లైట్ ఏరియాగా మార్చారు ట్రాన్స్‌జెండర్లు. అర్ధరాత్రి రోడ్ల పైకి వచ్చి స్థానికులను భయబ్రాంతులకు గురిచేస్తూ.. ఇష్టారీతిన వ్యభిచార దందా చేస్తున్నారని పోలీసులకు ఫిర్యాదు చేశారు స్థానికులు. ఈ నేపథ్యంలోనే.. సరూర్ నగర్‌లో వ్యభిచారం చేస్తున్న… 10 మంది ట్రాన్స్‌జెండర్లను అరెస్ట్ చేసి రిమాండ్‌కు తరలించారు పోలీసులు.

సరూర్ నగర్‌లో శనివారం రాత్రి ఓ విస్తృత తనిఖీ జరిగిన ఘటన స్థానికంగా సంచలనంగా మారింది. అనుమానాస్పదంగా కొంత మంది వ్యక్తులు రహస్యంగా సమావేశమవుతుండటంపై స్థానికులు పోలీసులకు సమాచారం అందించారు. ఈ మేరకు పోలీసులు హుటాహుటిన అక్కడికి చేరుకొని తనిఖీలు చేపట్టారు. అధికారుల సమాచారం ప్రకారం.. సరూర్ నగర్ పీ అండ్ టీ కాలనీలో కొన్ని నివాసాలను వ్యభిచార గృహాలుగా మార్చేశారు. రాత్రి అయితే చాలు.. గుంపులు గుంపులుగా అక్కడ సమావేశం అయి.. స్థానికంగా ఉంటున్న వారికి.. రోడ్డుపై వెళ్లే వారికి ఇబ్బందులు కలిగిస్తున్నారు. రాత్రివేళల్లో కొంత మంది వాటిని గమనించి వీడియోలు తీశారు. తర్వాత పోలీసులకు ఫిర్యాదు చేశారు. దీని ఆధారంగా.. రాత్రి పోలీసులు ఆకస్మికంగా దాడి చేశారు. తనిఖీల్లో అనేక మంది అనుమానాస్పద వ్యక్తులు అక్కడ సంచరిస్తుండటం గమనించారు.

పోలీసుల విచారణలో అనేక విషయాలు వెలుగు చూశాయి. అక్కడ రహస్యంగా జరుగుతున్న కార్యకలాపాలకు సంబంధించి అనేక ఆధారాలు లభించాయి. ఈ క్రమంలో 10 మందిని అదుపులోకి తీసుకుని స్టేషన్‌కు తరలించారు. వీరి నుంచి కొన్ని ఆధారాలను స్వాధీనం చేసుకున్నట్లు సమాచారం. అధికారుల ప్రకారం.. ఈ ఘటనపై మరింత లోతైన దర్యాప్తు చేపడతామని తెలిపారు. స్థానికులు రహస్య కార్యకలాపాలపై సమాచారమిస్తే.. వాటిని త్వరగా నివారించేందుకు చర్యలు తీసుకుంటామని హామీ ఇచ్చారు. సమాజంలో శాంతిభద్రతలను కాపాడేందుకు పోలీసులు ఎప్పుడూ అప్రమత్తంగా ఉంటారు. ప్రజలు కూడా తమ పరిసరాల్లో అనుమానాస్పద ఘటనలు జరిగిన వెంటనే అధికారులకు సమాచారం అందించాలని పోలీసులు తెలిపారు.