గుజరాత్ టైటాన్స్ కెప్టెన్ గా శుభ్‌మన్ గిల్..
sports | Suryaa Desk | Published : Mon, Nov 27, 2023, 02:45 PM
ఇండియన్ ప్రీమియర్ లీగ్ 2024 సీజన్ సందడి ప్రారంభమైంది. హార్దిక్ పాండ్యా ముంబై ఇండియన్స్‌కు వెళ్తున్నట్లు ఫ్రాంచైజీ ధృవీకరించడంతో గుజరాత్ టైటాన్స్ కెప్టెన్‌గా శుభ్‌మన్ గిల్‌ని నియమించారు. ఈ ఏడాది జ‌రిగిన ఐపీఎల్ 2023 సీజన్ లో శుభ్‌మన్ గిల్ 890 ప‌రుగులు చేసి ఆరెంజ్ క్యాప్ ను ద‌క్కించుకున్నాడు. రెండు సీజన్ల పాటు గుజరాత్ కు నాయకత్వం వహించిన హార్దిక్ పాండ్యా నుంచి గిల్ బాధ్యతలు స్వీకరించనున్నాడు. అంత‌కుముందు, ఐపీఎల్ లోకి అడుగుపెట్టిన 2022 మొద‌టి సీజన్ లోనే హార్ధిక్ పాండ్యా గుజరాత్ కు ఐపీఎల్ టైటిల్ ను అందించాడు. అలాగే, 2023 లో రన్నరప్ ఫినిషింగ్ వరకు నడిపించాడు. గుజరాత్ పాండ్యాను వ‌దులుకోవ‌డంతో అత‌ను ముంబై ఇండియ‌న్స్ జ‌ట్టులోకి వెళ్లాడు. ముంబై ఇండియ‌న్స్ జ‌ట్టులోకి హార్ధిక్ పాండ్యా వెళ్ల‌డంతో అత‌ని స్థానంలో గుజరాత్ టైటాన్స్ శుభ్‌మన్ గిల్ ను కెప్టెన్ గా ప్ర‌క‌టించింది. ఇక నుంచి గుజరాత్ జ‌ట్టు గిల్ న‌డిపిస్తాడ‌ని అధికారికంగా ప్ర‌క‌టించింది.
|
|