ట్రెండింగ్
ముంబై ఇండియన్స్‌కు సచిన్ గుడ్‌ బై...?
sports | Suryaa Desk | Published : Mon, Dec 18, 2023, 10:22 AM
ఐపీఎల్-2024 సీజన్‌కు ముందు రోహిత్ శర్మను ముంబై ఇండియన్స్ కెప్టెన్సీ నుంచి తప్పించిన సంగతి తెలిసిందే. ముంబై ఫ్రాంచైజీ రోహిత్ స్థానంలో హార్దిక్ పాండ్యాను తమ జట్టుకు కొత్త కెప్టెన్‌గా నియమించింది. ప్రస్తుతం క్రికెట్ వర్గాల్లో ఇదే హాట్ టాపిక్. రోహిత్‌ని కెప్టెన్సీ నుంచి తప్పించడంపై భిన్నాభిప్రాయాలు వ్యక్తమవుతున్నాయి.
అయితే ముంబై ఫ్రాంచైజీకి సంబంధించిన మరో వార్త ఇప్పుడు సోషల్ మీడియాలో వైరల్ అవుతోంది. రోహిత్‌ని కెప్టెన్సీ నుంచి తప్పించడంపై అసంతృప్తిగా ఉన్న క్రికెట్ దేవుడు సచిన్ టెండూల్కర్ ముంబై ఇండియన్స్ మెంటార్ పదవికి రాజీనామా చేయనున్నాడనేది ఆ వార్తల సారాంశం. సచిన్ తన నిర్ణయాన్ని ముంబై మేనేజ్‌మెంట్‌కి తెలియజేసినట్లు సోషల్ మీడియాలో ఒక పోస్ట్ చక్కర్లు కొడుతోంది.
|
|