రైలు ప్రయాణికులకు అలర్ట్.. ఆ రైళ్ల నంబర్లు మారాయి.. తెలుసుకోకుంటే తిప్పలే..!

రైలు ప్రయాణికులకు ముఖ్య గమనిక. దక్షిణ మధ్య రైల్వే పరిధిలో పలు రైళ్ల నంబర్లను మార్చారు. పాత రైలు నంబర్లను, అలాగే మార్చిన కొత్త నంబర్లతో పాటుగా ఎప్పటి నుంచి ఈ నిర్ణయం అమల్లోకి వస్తుందనే వివరాలను దక్షిణ మధ్య రైల్వే వెల్లడించింది. రైలు ప్రయాణికులకు ఈ వివరాలను గమనించుకోవాలని సూచించింది. 17488 నంబరుతో విశాఖపట్నం - కడప రైలు సర్వీసు ప్రస్తుతం నడుస్తోంది. ఈ రైలు నంబర్‌ను 18521గా మార్చారు. 2025 మార్చి ఒకటో తేదీ నుంచి ఈ నిర్ణయం అమల్లోకి రానుంది. అలాగే కడప విశాఖపట్నం (17487) రైలు నంబర్‌ను.. కడప- విశాఖపట్నం (18522)గా మార్చారు. ఈ నిర్ణయం కూడా వచ్చే ఏడాది మార్చి ఒకటో తేదీ నుంచి అమల్లోకి రానుంది.

ఇక విశాఖపట్నం - గుంటూరు రైలు (22701) నంబరును .. విశాఖపట్నం - గుంటూరు (22875) గా మార్చారు. అలాగే గుంటూరు- విశాఖపట్నం(22702) రైలు సర్వీసు నంబర్‌ను 22876గా సవరించారు. ఈ మార్పు కూడా 2025 మార్చి ఒకటో తేదీ నుంచి అమల్లోకి వస్తుందని దక్షిణ మధ్య రైల్వే ఓ ప్రకటనలో తెలిపింది. అలాగే భువనేశ్వర్ రామేశ్వరం రైలు నంబర్‌ను 20896 నుంచి 20895గా మార్చారు. 2025 మార్చి 7 నుంచి ఈ నిర్ణయం అమల్లోకి రానుంది. రామేశ్వరం - భువనేశ్వర్ రైలు నంబర్ 20895 నుంచి 20896గా సవరించారు. 2025 మార్చి 9 నుంచి ఇది అమల్లోకి వస్తుంది.

అలాగే భువనేశ్వర్ - పుదుచ్చేరి రైలు నంబర్‌ను 12898 నుంచి 12897కు దక్షిణ మధ్య రైల్వే సవరించింది. ఈ నిర్ణయం 2025 మార్చి 4 నుంచి అమల్లోకి వస్తుందని తెలిపింది. పుదుచ్చేరి - భువనేశ్వర్ రైలు నంబర్ 12897 నుంచి 12898కు మార్చారు. ఇది 2025 మార్చి 5 నుంచి అమల్లోకి వస్తుంది. భువనేశ్వర్ - చెన్నై సెంట్రల్ రైలు ప్రస్తుతం 12830 నంబర్ మీద నడుస్తుండగా.. ఈ నంబర్‌ను 12829గా మార్చారు. 2025 మార్చి 6 నుంచి ఈ మార్పు అమల్లోకి వస్తుంది. అలాగే చెన్నై సెంట్రల్ - భువనేశ్వర్ రైలు నంబర్‌ను 12829 నుంచి 12830 గా మారింది. ఈ నిర్ణయం కూడా 2025 మార్చి ఏడో తేదీ నుంచి అమల్లోకి వస్తుంది.