ట్రెండింగ్
ఏర్కాడులోని పర్యాటక ప్రాంతాల్లో దట్టమైన మంచు
national | Suryaa Desk | Published : Tue, Nov 19, 2024, 12:33 PM
సేలం జిల్లాలో 'పేదల ఊటీ'గా పేరొందిన ఏర్కాడు అంతటా మంచు కురుస్తుండటంతో పర్యాటక ప్రాంతాలన్నీ నిర్మానుష్యంగా మారాయి. కనివినీ ఎరుగని రీతిలో చలిగాలులు వీస్తుండటంతో స్థానికులు, పర్యాటకులు చలికి వణకిపోతున్నారు.వారం రోజులుగా ఏర్కాడు, పరిసర ప్రాంతాల్లో చెదురుమదురుగా వర్షాలు కురుస్తున్నాయి. ఆదివారం మధ్యాహ్నం నుంచి సాయంత్రం వరకు, మళ్ళీ అర్థరాత్రి నుంచి వేకువజాము వరకు జల్లులు కురిశాయి.దీంతో ఏర్కాడులోని పర్యాటక ప్రాంతాల్లో దట్టమైన మంచు ఆవరించింది. మంచు కారణంగా చలి అధికం కావటంతో స్థానికులు, కార్మికులు గిజగిజ వణకుతున్నారు. ఏర్కాడు ఘాట్‌రోడ్డులోను మంచు వర్షం కురుస్తుండటంతో అన్ని వాహనాలు హెడ్‌లైట్లు(Headlights) వేసుకుని వాహన చోదకులు నడుపుతున్నారు. ఓవైపు మంచు, మరోవైపు చలి అధికం కావటంతో గత రెండు రోజులుగా ఏర్కాడుకు వచ్చే పర్యాటకుల సంఖ్య బాగా తగ్గిపోయింది.
|
|