గర్ల్‌ఫ్రెండ్ బర్త్‌డే రోజు గ్యాంగ్‌స్టర్ హల్‌చల్.. డీసీపీ ఆఫీస్ వద్ద 12 కార్లతో స్టంట్లు
national | Suryaa Desk | Published : Wed, Jan 08, 2025, 08:33 PM
ఉత్తర్‌ప్రదేశ్‌లో గ్యాంగ్‌స్టర్ల ఆగడాలను చూస్తూనే ఉన్నాం. ఇక ఆ గ్యాంగ్‌స్టర్లను లేకుండా చేయడానికి యోగి ఆదిత్యనాథ్ నేతృత్వంలోని బీజేపీ సర్కార్ అనేక చర్యలు చేపడుతూనే ఉంది. యోగి దెబ్బకు కొందరు గ్యాంగ్‌స్టర్లు తోకముడిచి.. దందాలు, సెటిల్‌మెంట్లు మూసేస్తుండగా.. మరికొందరు మాత్రం యథేచ్ఛగా రెచ్చిపోతున్నారు. ఈ క్రమంలోనే తాజాగా ఓ గ్యాంగ్‌స్టర్ చేసిన పనికి పోలీసులు గట్టిగా బుద్ధి చెప్పారు. తన లవర్ బర్త్ డే సందర్భంగా.. ఓ గ్యాంగ్‌స్టర్ పోలీస్ స్టేషన్‌కు కూత వేటు దూరంలోనే కార్లతో ర్యాలీ తీసి.. స్టంట్లు చేశాడు. వాటికి సంబంధించిన వీడియోలను సోషల్ మీడియాలో పోస్ట్ చేయడంతో అవి వైరల్ అయ్యాయి. ఆ వీడియోలే ఇప్పుడు అతడ్ని కటకటాల పాలు చేశాయి.
కాన్పూర్‌లోని బర్రా పోలీస్ స్టేషన్ పరిధిలో ఉన్న డీసీపీ ఆఫీస్ వెనుక 27 ఏళ్ల అజయ్ ఠాకూర్ అనే గ్యాంగ్‌స్టర్ తన ప్రియురాలి బర్త్ డేను ఘనంగా సెలబ్రేట్ చేయడం ఇప్పుడు తీవ్ర వివాదాస్పదంగా మారింది. డీసీసీ ఆఫీస్‌కు దగ్గర్లోనే 12 ఎస్‌యూవీ కార్లతో స్టంట్స్ చేస్తూ నానా హాంగామా సృష్టించాడు. ఇక అజయ్ ఠాకూర్ గ్యాంగ్‌స్టర్‌పై ఇప్పటివరకు 30 క్రిమినల్ కేసులు ఉన్నాయి. ఇందులో చాలా తీవ్రమైన కేసుల్లో అజయ్ ఠాకూర్ నిందితుడిగా ఉన్నాడు. ఏ మాత్రం ట్రాఫిక్ రూల్స్ పాటించకుండా 12 ఎస్‌యూవీ కార్ల కాన్వాయ్‌తో స్టంట్స్ చేశాడు.
ఇక ఆ కార్లకు నెంబర్ ప్లేట్లు లేకపోవడం గమనార్హం. కార్లలో విన్యాసాలు చేస్తున్న ఫోటోలు, వీడియోలు సోషల్ మీడియాలో తెగ చక్కర్లు కొడుతున్నాయి. ఆ గ్యాంగ్‌స్టర్ సహా ఇతర నిందితులపై కఠినంగా చర్యలు తీసుకోవాలని నెటిజన్లు డిమాండ్ చేస్తున్నారు. ఆ వీడియోల్లో బ్లాక్ స్కార్పియో వాహనాలతో కూడిన కాన్వాయ్ కనిపిస్తోంది. ఆ కారులో ముందు కూర్చున్న యువతి, అజయ్ ఠాకూర్ కెమెరా వైపు చేతులు ఊపుతూ కనిపిస్తున్నారు. ఆ యువతే గ్యాంగ్‌స్టర్ లవర్ అని పేర్కొంటున్నారు.
అజయ్ ఠాకూర్‌పై మొత్తం 30కి పైగా క్రిమినల్ కేసులు ఉండగా.. అందులో కొన్ని తీవ్రమైన నేరాల్లో నిందితుడిగా ఉన్నాడు. టీనేజ్ అమ్మాయితో అసభ్యంగా ప్రవర్తించడంతో పాటు డాక్టర్ దంపతుల కుమార్తెను బెదిరించడం వంటి కేసులు కూడా ఉన్నాయి. ఇక అజయ్ ఠాకూర్ బెదిరింపులు తట్టుకోలేని ఓ బాలిక అత్మహత్యకు పాల్పడింది. ఈ నేపథ్యంలోనే తాజా స్టంట్లపై కేసు నమోదు చేసిన యూపీ పోలీసులు అజయ్ ఠాకూర్‌పై గ్యాంగ్‌స్టర్ చట్టం కింద కేసు నమోదు చేశారు.
|
|