కోడిపందేల కంటే తగ్గేదే లే.. కుమ్మేసుకున్న పందులు.. గెలిస్తే ఏమిస్తారో ఊహించలేరు

సంక్రాంతి పండుగంటే ఠక్కున గుర్తొచ్చేవి కోడి పందేలు. ఆ తర్వాత ఎడ్లబండి పోటీలు.. అక్కడకక్కడా పొట్టేళ్ల పోటీలు చూస్తుంటాం. కానీ అక్కడ మటుకూ జస్ట్ ఫర్ ఛేంజ్ అంటున్నారు. కోడి పందాలు, ఎడ్లపోటీలు రొటీన్.. పందుల పోటీలు డిఫరెంట్ అంటున్నారు గోదారి వాసులు.. ఇక ఈ పోటీలను చూడ్డానికి జనం కూడా భారీగా తరలివస్తుంటారు. పెద్ద సంఖ్యలో హాజరై పందుల పోటీలను ఆసక్తిగా తిలకిస్తుంటారు. ఇలాంటి అరుదైన పోటీలకు వేదికగా మారింది పశ్చిమగోదావరి జిల్లా. సంక్రాంతి పండుగ వేళ గోదావరి జిల్లాలో కోడిపందాల హవా నడుస్తుంటే.. వీరు పందుల పోటీలు నిర్వహించడం విశేషం.

పశ్చిమగోదావరి జిల్లా తాడేపల్లిగూడెం మండలం కుంచనపల్లిలో పందుల పోటీలను ఘనంగా నిర్వహించారు. సంక్రాంతి పండుగ సందర్బంగా ఏటా ఇక్కడ పందుల పోటీలు నిర్వహించడం ఆనవాయితీ. ఈ సంప్రదాయం ప్రకారమే ఈసారి కూడా ఎరుకల సంక్షేమ సంఘం ఆధ్వర్యంలో పందుల పోటీలు ఘనంగా నిర్వహించారు. మూడు విభాగాల్లో ఈ పోటీలు జరగడం విశేషం. ఇక పోటీలలో గెలుపొందిన వారికి నిర్వాహకులు బహుమతులు అందించారు. ఈ పోటీలలో పాల్గొనడం కోసం రాష్ట్రంలోని వివిధ చోట్ల నుంచి పందులను తీసుకురావటం విశేషం. నెల్లూరు, కోనసీమ, పశ్చిమ గోదావరి జిల్లాల నుంచి తీసుకువచ్చిన పందుల మధ్య పోటీలు జరిగాయి. పోటీలలో గెలుపొందిన వారికి బహుమతులు ప్రదానం చేశారు.

మరోవైపు పందుల పోటీలు అంటే ఏదో ఆషామాషీగా ఉంటాయనుకుంటే పొరబాటే. ఇందులో పాల్గొనడానికి ఓ లెక్కలు ఉంటాయి. పందుల పోటీ సందర్బంగా పంది బరువు, పరిమాణం పరిశీలిస్తారు. అలాగే వాటి ఆరోగ్యం, శుభ్రత వంటి అంశాలను కూడా లెక్కలోకి తీసుకుంటారు. కొన్ని సందర్భాల్లో పందులకు ఉన్న ప్రత్యేకమైన లక్షణాలు పరిశీలిస్తారు. ఎంత దూరం దూకుతుంది.. ఎంత వేగంగా తింటుందనే విషయాలను పరిగణనలోకి తీసుకుని పందుల పోటీల కోసం ఎంపిక చేసుకుంటారు. ఇలాంటి పోటీల ద్వారా పశుసంపద ప్రాముఖ్యత తెలుస్తుందని నిర్వాహకులు చెప్తున్నారు. ఇక పోటీల్లో గెలిచిన వారికి ప్రైజ్ మనీ అంటూ ఏమీ ఉండదని.. కేవలం షీల్డ్స్ మాత్రమే ఇస్తామని తెలిపారు