రోజు, వారం, నెల, ఏడాది ,,,,ఇక్కడ భార్యలను అద్దెకు తీసుకోవచ్చు

ప్రపంచంలోని చాలా దేశాలతో పోలిస్తే భారతదేశంలో వివాహ బంధానికి ఎక్కువ విలువ ఇస్తుంటారు. ఈ మధ్యకాలంలో విడిపోవడం కాస్తంతా పెరిగింది కానీ కొన్ని రోజుల ముందు వరకు ఒక్కసారి పెళ్లైన వారు జీవితాంతం వారితోనే కలిసి ఉంటారు. భార్యభర్తల సంబంధానికి అంతగా విలువ ఇస్తాం మన భారతీయులం. అయితే మధ్యప్రదేశ్ లోని కొన్ని ప్రాంతాల వారు భార్యలను వేరే మగవారికి అద్దెకు ఇస్తుంటారని చాలా మందికి తెలియదు. శివపురిలోని కొన్ని తెగల వారిలో ఈ సాంప్రదాయం చాలా కాలంగా నడుస్తోంది. ఈ సాంప్రదాయాన్ని వారు దఢీచ్ గా పిలుస్తుంటారు. భర్త తన భార్యను అంగట్లో బేరానికి పెడతాడు. తను నచ్చిన వారు ఆ భర్తతో అద్దె గురించి మాట్లాడుకుంటారు. రూ.10 వేలతో మొదలై లక్షల వరకు చెల్లిస్తుంటారు.

అందంగా, శరీర సౌష్ఠవంగా ఉన్నవారు ఎక్కువ ధర పలుకుతుంటారు. పెళ్లై ఒక వయస్సు ఉన్న వారికి తక్కువ ధర వస్తుంటుంది. పెళ్లైన మంచి అందంగా ఉన్న వారికి ఎక్కువ ధర వస్తుంది. కన్యలు అయి, అందంగా ఉండే వారికి లక్షల్లో చెల్లించడానికి ముందుకు వస్తుంటారు. ఒక రోజు, వారం, నెల, ఏడాది వరకు కూడా ఈ అద్దెలు ఉంటాయి. ఈ అద్దెలు కేవలం నోటి మాట ద్వారా కాకుండా ఏకంగా ఓ అగ్రిమెంట్ రాసుకుంటారు. ఎన్ని రోజులు, ఎంత చెల్లించాలి, షరతులు ఏమిటో స్పష్టంగా పేర్కొంటారు. యువతులు, మహిళలు ఈ అగ్రిమెంట్‌ను ఎప్పుడైనా బ్రేక్ చేయవచ్చు. అద్దెకు వెళ్లిన ఇంట్లో ఏవైనా ఇబ్బందులు ఎదురైనా, అసౌకర్యంగా అనిపించినా, మరేదైనా కారణంతోనైనా ఆ ఒప్పందాన్ని రద్దు చేసుకునే హక్కు మహిళలకు ఉంటుంది.

అద్దెకు వెళ్లిన వారు పరాయి వ్యక్తిని కూడా భర్తగానే చూడాల్సి ఉంటుంది. ప్రేమానురాగాలు అలాగే పంచాలి. ఏడాది కంటే ఎక్కువ అద్దెకు వెళ్లే వారైతే పిల్లలకు కూడా జన్మనిస్తుంటారు. పెళ్లికి తగిన యువతి దొరకని వారు, బాగా డబ్బున్న ధనవంతులు, ఇంట్లోని వయోవృద్ధుల సంరక్షణ కోసం కూడా ఇలా అద్దెకు మహిళలను తెచ్చుకుంటారు. ఒప్పందం పూర్తి అయిన తర్వాత వేరొకరికి అద్దెకు ఇస్తారు. లేదంటే ఒప్పందం పూర్తయ్యాకే తనే కావాలనుకుంటే ఒప్పందాన్ని రెన్యూవల్ చేయించుకోవాల్సి ఉంటుంది.

మధ్యప్రదేశ్ తో పాటు రాజస్థాన్, గుజరాత్, ఉత్తరప్రదేశ్, హర్యానాలోని కొన్ని తెగల్లో ఈ సాంప్రదాయం ఉంది. ఒక్కో ప్రాంతంలో ఒక్కోలా పిలుస్తుంటారు. ఈ మధ్యే ఈ సాంప్రదాయానికి సంబంధించి పెద్దగా చర్చ జరగడం మొదలైంది. ఈ విస్తుపోయే సాంప్రదాయం గురించి జాతీయ మహిళా హక్కుల కమిషన్ కూడా సీరియస్ అయింది. దీనిని అరికట్టేందుకు చర్యలు చేపట్టాలంటూ ఆయా రాష్ట్రాలను కేంద్ర మహిళా, శిశు సంక్షేమ శాఖ కోరింది.