Xiaomi 17 Ultra స్పెసిఫికేషన్స్ రివీల్ – ధర తెలుసా?

చైనాకు చెందిన ప్రముఖ స్మార్ట్‌ఫోన్ తయారీ సంస్థ Xiaomi తన తాజా ఫ్లాగ్‌షిప్ సిరీస్ ‘షావోమీ 17’ను అంతర్జాతీయ మార్కెట్లలో ఘనంగా ఆవిష్కరించింది. ఈ సిరీస్‌లో షావోమీ 17, షావోమీ 17 అల్ట్రా అనే రెండు ప్రీమియం మోడళ్లు ఉన్నాయి. రెండు ఫోన్లూ క్వాల్కమ్‌కు చెందిన శక్తివంతమైన స్నాప్‌డ్రాగన్ 8 ఎలైట్ జెన్ 5 SoC ప్రాసెసర్‌తో పనిచేస్తూ హైఎండ్ పనితీరును అందిస్తాయి.ధరల విషయానికి వస్తే, షావోమీ 17లో 12GB ర్యామ్ + 256GB స్టోరేజ్ వేరియంట్ ధర 999 యూరోలు (సుమారు రూ. 1,07,449)గా నిర్ణయించబడింది. ఇది ఆల్పైన్ పింక్, బ్లాక్, ఐస్ బ్లూ, వెంచర్ గ్రీన్ రంగుల్లో లభిస్తుంది. ఇక షావోమీ 17 అల్ట్రా 16GB ర్యామ్ + 512GB స్టోరేజ్ వేరియంట్ ధర 1,499 యూరోలు (సుమారు రూ. 1,61,264)గా ఉంది. ఇది బ్లాక్, స్టార్‌లిట్ గ్రీన్, వైట్ కలర్స్‌లో అందుబాటులో ఉంటుంది. అదనంగా, షావోమీ 17 అల్ట్రా కోసం ప్రత్యేక ఫోటోగ్రఫీ కిట్ మరియు ఫోటోగ్రఫీ కిట్ ప్రోలను కూడా కంపెనీ విడుదల చేసింది. వీటి ధరలు వరుసగా 99.99 యూరోలు (సుమారు రూ. 10,757), 199.99 యూరోలు (సుమారు రూ. 21,515)గా ఉన్నాయి.ఫీచర్ల పరంగా చూస్తే, షావోమీ 17 అల్ట్రా డ్యూయల్ నానో సిమ్ సపోర్ట్‌తో వస్తూ ఆండ్రాయిడ్ 16 ఆధారిత హైపర్ ఓఎస్ 3పై పనిచేస్తుంది. ఇందులో 6.9 ఇంచ్ 1.5K LTPO AMOLED డిస్‌ప్లే ఉండగా, 120Hz రిఫ్రెష్ రేట్, 1,060 నిట్స్ పీక్ బ్రైట్‌నెస్, డ్రాగన్ క్రిస్టల్ గ్లాస్ 3 రక్షణ వంటి ప్రీమియం స్పెసిఫికేషన్లు ఉన్నాయి. 3nm స్నాప్‌డ్రాగన్ 8 ఎలైట్ జెన్ 5 చిప్‌సెట్, అడ్రినో 840 GPU, 16GB LPDDR5X ర్యామ్, 512GB UFS 4.1 స్టోరేజ్‌తో ఇది శక్తివంతమైన పనితీరును అందిస్తుంది.కెమెరా విభాగంలో లైకా ట్యూనింగ్‌తో కూడిన ట్రిపుల్ రియర్ కెమెరా సెటప్‌ను అందించారు. ఇందులో 1-ఇంచ్ సెన్సార్‌తో 50MP LOFIC ఓమ్నీవిజన్ 1050ఎల్ ప్రధాన కెమెరా (OISతో), 50MP శాంసంగ్ JN5 అల్ట్రా వైడ్ లెన్స్, 200MP పెరిస్కోప్ టెలిఫోటో కెమెరా ఉన్నాయి. ముందుభాగంలో 50MP OV50M సెల్ఫీ కెమెరా ఇచ్చారు.బ్యాటరీ పరంగా 6,000mAh సామర్థ్యంతో వస్తూ 90W వైర్డ్, 50W వైర్‌లెస్ ఫాస్ట్ ఛార్జింగ్‌కు సపోర్ట్ ఇస్తుంది. అలాగే 22.5W రివర్స్ వైర్‌లెస్ ఛార్జింగ్ సౌకర్యం కూడా ఉంది. కనెక్టివిటీ విషయానికి వస్తే 5G, 4G LTE, వైఫై 7, బ్లూటూత్ 5.4, NFC, USB టైప్-C వంటి అన్ని ఆధునిక ఫీచర్లు ఉన్నాయి. IP66 + IP68 + IP69 రేటింగ్స్‌తో ధూళి, నీటి నిరోధకత కలిగి ఉండగా, 3D అల్ట్రాసోనిక్ ఫింగర్‌ప్రింట్ సెన్సార్ ద్వారా భద్రతను మరింత బలపరిచారు.మొత్తంగా షావోమీ 17 అల్ట్రా ప్రీమియం డిజైన్, అధునాతన కెమెరా, భారీ బ్యాటరీ సామర్థ్యంతో ఫ్లాగ్‌షిప్ సెగ్మెంట్‌లో గట్టి పోటీ ఇవ్వనుంది.