EPFO షాక్ కాదు షుభవార్త! హోలీకి ముందే ఖాతాల్లో డబ్బు?

స్టాక్ మార్కెట్‌లో అనిశ్చితి, బాండ్ దిగుబడుల తగ్గుదల, క్లెయిమ్‌ల పెరుగుదల వంటి పరిణామాల నేపథ్యంలో కేంద్ర ప్రభుత్వం Employees' Provident Fund Organisation (EPFO) వడ్డీ రేటుపై కీలక నిర్ణయం తీసుకునే అవకాశముంది. టైమ్స్ ఆఫ్ ఇండియా నివేదిక ప్రకారం, EPFO సెంట్రల్ బోర్డ్ ఆఫ్ ట్రస్టీస్ (CBT) ఈ ఆర్థిక సంవత్సరానికి దాదాపు 31 కోట్ల మంది సభ్యులకు 8.2% నుంచి 8.25% మధ్య వడ్డీ రేటును సిఫార్సు చేయవచ్చని సమాచారం.గత ఏడాది వడ్డీ రేటు 8.25%గా ఉండగా, 2023లో అది 8.15% నుంచి 8.25%కి పెరిగింది. అంతకుముందు 2022లో వడ్డీ రేటు నాలుగు దశాబ్దాల కనిష్టమైన 8.1%కు పడిపోయింది. ఈసారి వడ్డీ రేటు స్వల్పంగా పెరిగే అవకాశముందని ట్రేడ్ వర్గాలు చెబుతున్నాయి.CBT సమావేశానికి ముందు ఒక సభ్యుడు మాట్లాడుతూ, ప్రస్తుత ఆర్థిక పరిస్థితులు అంతగా అనుకూలంగా లేవని తెలిపారు. ఈ ఏడాది స్టాక్ మార్కెట్లు, ఈక్విటీ పెట్టుబడులు ఆశించిన రాబడిని ఇవ్వలేదని చెప్పారు. అదేవిధంగా ప్రభుత్వ బాండ్ల దిగుబడులు కూడా తగ్గుముఖం పట్టాయని, EPFO నిధులలో గణనీయమైన భాగం ఈ రంగాల్లోనే పెట్టుబడి పెట్టబడిందని వివరించారు. అంతర్జాతీయ ఉద్రిక్తతలు—ప్రత్యేకించి ఇజ్రాయెల్, అమెరికా, ఇరాన్ పరిణామాలు—ప్రపంచ ఆర్థిక వ్యవస్థపై ప్రభావం చూపే అవకాశముందని పేర్కొన్నారు.బోర్డు కమిటీ పదవీ విరమణ నిధి సంస్థ ఆదాయం, వ్యయాలను సమగ్రంగా సమీక్షించిన తర్వాత వడ్డీ రేటుపై తుది నిర్ణయం తీసుకుంటుంది. మార్చి 2న కేంద్ర కార్మిక మంత్రి మన్సుఖ్ మాండవీయ అధ్యక్షతన CBT సమావేశం జరగనుంది. ఆ సమావేశానికి ముందు మరో ప్రాథమిక సమావేశం కూడా ఉండనుంది. అయితే, CBT సిఫార్సు చేసిన వడ్డీ రేటుకు ఆర్థిక మంత్రిత్వ శాఖ ఆమోదం తప్పనిసరి. ఆమోదం అనంతరం కొత్త వడ్డీ రేటు ప్రకటించబడుతుంది.ఏప్రిల్ 2015 నోటిఫికేషన్ ప్రకారం EPFO తన నిధులను విభిన్న రంగాల్లో పెట్టుబడి పెడుతోంది. మొత్తం నిధులలో 45% నుంచి 65% వరకు ప్రభుత్వ సెక్యూరిటీలలో పెట్టుబడి పెడతారు. 20% నుంచి 25% వరకు కార్పొరేట్ బాండ్లలో పెట్టుబడి ఉంటుంది. సుమారు 5% వరకు స్వల్పకాలిక పథకాలలో, మరో 5% నుంచి 15% వరకు ఇండెక్స్ ఫండ్లు, ఈక్విటీలలో పెట్టుబడి పెడతారు. ఈ పెట్టుబడుల పనితీరును పరిగణనలోకి తీసుకుని వడ్డీ రేటు పెంపు లేదా యథాతథ స్థితిపై ప్రభుత్వం తుది నిర్ణయం తీసుకోనుంది.