చంద్రబాబు ప్రమాణంలో సెంటర్ ఆఫ్ అట్రాక్షన్‌గా త్రిష.. ఎవరీమె

నవ్యాంధ్ర ప్రదేశ్ నూతన ముఖ్యమంత్రిగా తెలుగుదేశం పార్టీ అధినేత నారా చంద్రబాబు నాయుడు బుధవారం ప్రమాణ స్వీకారం చేశారు. గన్నవరం సమీపంలోని కేసరపల్లి ఐటీ పార్క్ వద్ద.. ఆంధ్రప్రదేశ్ గవర్నర్ అబ్దుల్ నజీర్. చంద్రబాబుతో ప్రమాణం చేయించారు. ఈ కార్యక్రమానికి ప్రధానమంత్రి నరేంద్ర మోదీ సహా దేశంలోని పలువురు ప్రముఖులు హాజరయ్యారు. అలాగే విదేశాలకు చెందిన రాయబారులు కూడా ఈ కార్యక్రమంలో పాల్గొన్నారు. అయితే చంద్రబాబు ప్రమాణ స్వీకారంలో ఇంతమంది అతిథుల మధ్య ఓ వ్యక్తి సెంటర్ ఆఫ్ అట్రాక్షన్‌గా నిలిచారు. దీనికి సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి.

చంద్రబాబు ప్రమాణ స్వీకారానికి మెగాస్టార్ చిరంజీవి, సూపర్ స్టార్ రజనీకాంత్, గ్లోబల్ స్టార్ రామ్ చరణ్, నందమూరి బాలకృష్ణ సహా మెగా, నందమూరి, నారా ఫ్యామిలీలకు చెందిన పలువురు పాల్గొన్నారు. అయితే సోషల్ మీడియాలో మాత్రం ఓ వ్యక్తి ఫోటో తెగ వైరల్ అవుతోంది. ఆమె ఎవరో కాదు పులివర్తి త్రిషా రెడ్డి. చంద్రగిరి తెలుగుదేశం పార్టీ ఎమ్మెల్యే పులివర్తి నాని కోడలే.. పులివర్తి త్రిషా రెడ్డి.

ఈ ప్రమాణ స్వీకారోత్సవంలో ప్రత్యేక ఆకర్షణగా నిలిచారు డాక్టర్ పులివర్తి త్రిషా రెడ్డి. తెలుగుదేశం పార్టీకి చెందిన చంద్రగిరి శాసన సభ్యుడు పులివర్తి నాని కోడలు ఆమె. చంద్రబాబు ప్రమాణ స్వీకారానికి తన అత్తా మామ పులివర్తి నాని, సుధారెడ్డి, భర్తతో కలిసి త్రిషా రెడ్డి హాజరయ్యారు. పులివర్తి నానిది ప్రేమ వివాహం కాగా.. ఆయన కుమారుడు కూడా డాక్టర్‌గా పనిచేస్తున్న త్రిషా రెడ్డిని లవ్ మ్యారేజ్ చేసుకున్నారు. చంద్రగిరి నియోజకవర్గంలో చిన్నపిల్లల కోసం మెడికల్ క్యాంపులు నిర్వహిస్తూ త్రిషా రెడ్డి మంచి పేరు తెచ్చుకున్నారు.

అలాగే ఏపీ అసెంబ్లీ ఎన్నికల సమయంలోనూ త్రిషా రెడ్డి వైరల్ అయ్యారు. తన మామయ్య పులివర్తి నానికి ఓటేయాలంటూ అప్పట్లో ఆమె విడుదల చేసిన వీడియో నెట్టింట వైరల్ అయ్యింది, తాజాగా మరోసారి చంద్రబాబు ప్రమాణ స్వీకారోత్సవం సందర్భంగా పులివర్తి త్రిషారెడ్డి వార్తల్లో నిలిచారు. మరోవైపు వైసీపీ కంచుకోట అయిన చంద్రగిరిలో ఈసారి పులివర్తి నాని టీడీపీ జెండా ఎగరేశారు. వైసీపీ అభ్యర్థి చెవిరెడ్డి మోహిత్ రెడ్డి మీద ఘన విజయం సాధించారు. చెవిరెడ్డి భాస్కర్ రెడ్డి ఒంగోలు ఎంపీగా పోటీచేసి ఓటమి పాలవ్వగా.. చెవిరెడ్డి మోహిత్ రెడ్డి చంద్రగిరి నుంచి ఎమ్మెల్యేగా పోటీచేసి ఓటమి పాలయ్యారు.