అసెంబ్లీ అభ్యర్థుల ఎంపిక విషయంలో తలదూర్చను
national | Suryaa Desk | Published : Sat, Sep 28, 2019, 08:34 PM
దేశంలో జరిగిన జనరల్ ఎలెక్షన్స్ లో కాంగ్రెస్ ఘోరమైన పరాజయాన్ని ఎదుర్కో వలసి వచ్చింది. పార్టీ ఓటమికి బాధ్యత వహిస్తూ కాంగ్రెస్ పార్టీ అధ్యక్ష పదవికి రాహుల్ గాంధీ రాజీనామా చేశారు. వచ్చే నెల కొన్ని రాష్ట్రాలో అసెంబ్లీ ఎన్నికలు జరుగుతున్నాయి. అయితే కాంగ్రెస్ పార్టీ నుండి పోటీ చేసేందుకు అభ్యర్థుల ఎంపికలో తాను పాల్గొనబోనని రాహుల్ చెప్పారు. పోటీ చేసే అభ్యర్థులకు టికెట్లు ఇచ్చే వ్యవహారంలో తాను తలదూర్చనని ఆయన తేల్చి చెప్పారు. అభ్యర్థుల ఎంపిక, పార్టీల టికెట్ల వ్యవహారం పార్టీ చూసుకుంటుందని అందులో తన పాత్ర ఉండదని ఆయన పేర్కొన్నారు. కార్యవర్గ బృందంలో తాను ఒక సాధారణ సభ్యుడులా మాత్రమే ఉంటానని రాహుల్ అన్నారు. కాంగ్రెస్ కేంద్ర ఎన్నికల కమిటీ సమావేశానికి కూడా తాను హాజరుకానన్నారు. కేంద్ర ఎన్నికల కమిటీలో రాహుల్ ఒక సభ్యుడిగా 2010 నుండి ఉంటున్నారు. ఎన్నికల ప్రచారంలో ఆయన కీలక పాత్ర పోషిస్తున్నారు. ఎన్నికల ప్రక్రియలో మాత్రం ఆయన కల్పించుకోవడం లేదు. ఎన్నికల ప్రచారంలో విస్తృతంగా ప్రచారం చేసేందుకు రాహుల్ తీవ్రంగా కృషి చేస్తారని కేంద్ర ఎన్నికల యంత్రాంగం సభ్యుడు కెహెచ్ మునియప్ప అన్నారు. రాహుల్ అధ్యక్ష పదవికి రాజీనామా చేసిన తరువాత నాయకత్వ బాధ్యతలు చేపట్టే నాయకుడి కోసం చూస్తున్నారన్నారు. మోడీ పాలనకు సంబంధించిన విషయాలు, కాశ్మీర్ అంశం వంటి విషయాలను పార్టీ చూసుకుంటుందన్నారు.
|
|