రేపు సూర్యగ్రహణం
Andhra Pradesh Telugu | Suryaa Desk | Published : Wed, Dec 25, 2019, 02:26 PM
ఈ నెల 26వ( రేపు ) తేదిన సంపూర్ణ సూర్య గ్రహణం రానుంది భారత కాలమానం ప్రకారం ఉదయం గం.8.09ని.లకు గ్రహణం ప్రారంభం అయ్యి ఉదయం గం.11.11ని.లకు ముగుస్తుంది. మొత్తం మూడు గంటల రెండు నిమిషాల పాటు భారతదేశం అంతటా ఈ గ్రహణం కనిపించనుంది. అయితే కర్ణాటక, తమిళనాడు, కేరళలోని కొన్ని ప్రాంతాల్లో కంకణోక్త సంపూర్ణ సూర్య గ్రహణం వేర్వేరు సమయాల్లో ఉండనుండగా.. మిగిలిన అన్ని రాష్ట్రాల్లోనూ పాక్షిక సూర్యగ్రహణం కనిపించనుంది. అలాగే శ్రీలంక, కొన్ని గల్ఫ్ దేశాలు, సుమత్రా, మలేషియా, సింగపూర్లోనూ గ్రహణం ఎఫెక్ట్ కనిపించనుంది. ఈ నేపథ్యంలో దేశంలోని అన్ని ఆలయాలు మూసివేయనున్నారు.
సూర్య గ్రహణం సమయంలో తీసుకోవాల్సిన జాగ్రత్తలు:
ఇదిలా ఉంటే సాధారణంగా గ్రహణాన్ని చూసేందుకు చాలా మంది ఆసక్తిని చూపుతుంటారు. అయితే ప్రత్యక్షంగా గ్రహణాన్ని చూడటం వలన ఇబ్బందులు తలెత్తే అవకాశం ఉంటుంది. ఈ నేపథ్యంలో కొన్ని జాగ్రత్తలు తీసుకోవాలని శాస్త్రవేత్తలు చెబుతుంటారు. ముఖ్యంగా సోలార్ ఫిల్టర్స్, బైనాక్యులర్ కలిగిన ప్రొజెక్టర్లు, ఎక్లిప్స్ గ్లాసెస్ను వాడాలని వారు చెబుతుంటారు. అలాగే రెగ్యులర్ సన్ గ్లాసెస్ను ఉపయోగించకూడదని వారు సూచిస్తుంటారు.
|
|