50000 లంచం తీసుకుంటూ ACB కి దొరికిన ఫైర్ ఆఫీసర్
Andhra Pradesh Telugu | Suryaa Desk | Published : Fri, Sep 01, 2017, 01:03 PM
ప్రకాశంజిల్లా ఒంగోలులో మరో చేప ఏసీబీ వలకు చిక్కింది. ఒంగోలు అగ్నీమాపక కార్యలయంలో పని చేస్తున్న ఫైర్ ఆఫీసర్ సుబ్బారావును రెడ్ హ్యాండడ్ గా ఏసీబీ అధికారులు పట్టుకున్నారు. ఒంగోలు లోని విజయ హస్పటల్ కు నో అభ్జెక్షన్ సర్టిఫికెట్ రెన్యువల్ కోసం డిసెంబరులో అప్లై చేశారు. అప్పటి నుంచి కాళ్ళు అరిగేలా తిరుగుతున్నా అగ్నిమాపక శాఖాదికారులు ఇప్పటి వరకు సర్టిఫికెట్ ఇవ్వలేదు. దీంతో ఫైర్ ఆఫీసర్ సుబ్బారావును హస్పటల్ మేనేజర్ శ్రీనివాస్ కలిశారు.
ఎన్ వోసీ రావాలంటే 50 వేలు లంచం ఇవ్వాలని సుబ్బారావు డిమాండ్ చేశారు. మేనేజర్ శ్రీనివాస్ అంత ఇచ్చుకోలేనని చెప్పడంతో చివరకు 35వేలు ఇవ్వామని సూచించాడు. లంచం ఇవ్వడం ఇష్టం లేని శ్రీనివాస్ అవినీతి నిరోదక శాఖ అధికారులను ఆశ్రయించాడు. దీంతో ఏసీబీ అధికారులు పక్కా ప్లాన్ ప్రకారం సుబ్బారావు డబ్బు తీసుకుంటుండగా పట్టుకున్నారు. అయితే ఫైర్ ఆఫీసర్ సుబ్బారావు మాత్రం జిల్లా అగ్నిమాపక శాఖాదికారి, తీసుకోమంటెనే తాను లంచం తీసుకున్నానని చెబుతున్నారు. ఇందులో కొంత మొత్తం వారే తీసుకుంటారని తెలిపారు. నగదును సీజ్ చేసిన ఏసీబీ అధికారులు కేసు నమోదు చేసి ధర్యాప్తు చేయనున్నట్లు తెలిపారు. అలాగే ఏదైన ప్రభుత్వ కార్యాలయాల్లో అధికారులు లంచం కోసం పట్టుబడితే తమకు సమాచారం అందించాలని ఏసీబీ డిఎస్పీ ప్రభాకర్ కోరారు.
|
|