యమపాశంగా మారిన నేల బావి
Andhra Pradesh Telugu | Suryaa Desk | Published : Wed, Dec 15, 2021, 03:10 PM
నెల్లూరు జిల్లా సైదాపురం మండల కేంద్రం లోని హరిజనవాడలో ఉన్న నేల బావి గతకొన్ని సంవత్సరాలగా శిథిలావస్థకు చేరడంతో వర్షం నీరంతా బావిలో చేరి అందులో ఉన్న చెత్త, చెదారం కుళ్ళి దుర్గంధమైనవాసనతో, విపరీతమైన దోమల బెడదతో అల్లాడుతున్నారు.
ఎటువంటి ప్రాణాంతకమైన వ్యాధులు వస్తాయో అని భయంతో, మరోపక్క చిన్న పిల్లలను ఇంటి నుంచి బయటకు పంపాలి అంటే నేలా బావి వల్ల ఎటువంటి ప్రమాదం వస్తుందో అన్న భయపడుతున్నారు. నోరులేని మూగజీవాలు సైతం చాలా సార్లు బావిలో పడిపోవడం కూడా జరిగిందని, ఓ వ్యక్తి కూడా శిథిలావస్థలో ఉన్న నేల బావిలో ఆత్మహత్యకు పాలుపడినట్లు చెబుతున్నారు.
అంతేకాకుండా శిథిలావస్థలో ఉన్న నేల బావి పక్కనే చెన్నకేసవ స్వామి గుడి ఉన్నందున గుడికి వచ్చే భక్తులకు కూడా చాలా ఇబ్బందులు పడుతున్నారు. గతంలో కూడా చాలా సార్లు పంచాయతీ అధికారులకు అర్జీలు ఇచ్చినా తూతుమంత్రంగా వచ్చి వెళ్లిపోతున్నారు కానీ, ఏ అధికారులు మాగోడు పట్టించుకోవడం లేదన్నారు. ఇకనైనా ఉన్నతాధికారులు అయిన స్పందించి శిథిలావస్థలో ఉన్న నేలబావి ని పూడ్చి హరిజనవాడ ప్రజల ప్రాణాలు కాపాడాలని కోరుచున్నారు.
|
|