అంకుల్ అన్నందుకు యువతిపై దారుణం
Andhra Pradesh Telugu | Suryaa Desk | Published : Sat, Dec 25, 2021, 03:59 PM
చిన్న చిన్న సంఘటనలకు కొందరు అతిగా రియాక్ట్ అవుతారు. ఒక వ్యక్తిని యువతి అంకుల్ అని పిలిచినందుకు ఆ వ్యక్తి దారుణంగా ప్రవర్తించాడు. ఈ ఘటన ఉత్తరాఖండ్లోని ఉధమ్సింగ్ నగర్ జిల్లాలోని సితార్గంజ్ పట్టణంలో జరిగింది. పోలీసుల కథనం మేరకు.. మోహిత్ కుమార్ అనే వ్యక్తి జనరల్ స్టోర్ షాప్ నిర్వహిస్తున్నాడు. అతనికి 35 ఏళ్ల వయసు ఉంది. డిసెంబర్ 19న ఓ అమ్మాయి బ్యాడ్మింటన్ ఆడుతుండగా బ్యాట్ రాకెట్ తీగలు తెగిపోయాయి. షటిల్ రాకెట్ తీగలు సరిచేసుకోవడానికి షాపుల కోసం బయటకు వెళ్లింది. అలా వెతుకుతూ పట్టణంలోని ఖతిమా రోడ్లో ఉన్న మోహిత్ కుమార్ షాప్కు వెళ్లింది. అంకుల్ అని మోహిత్ కుమార్ను పిలిచింది. దీంతో మోహిత్కుమార్ తీవ్రంగా కోపం తెచ్చుకున్నాడు. ఆవేశం ఆపుకోలేక ఆ అమ్మాయిని దారుణంగా కొట్టాడు. దీంతో అమ్మాయికి గాయాలయ్యాయి. ఆమెను దగ్గరలో ఉన్న ఆస్పత్రిలో చేర్చారు. ఈ విషయాన్ని కుటుంబ సభ్యులు పోలీసులకు సమాచారం అందించారు. రంగంలోకి దిగిన పోలీసులు బాలిక వద్ద ఫిర్యాదు స్వీకరించారు. నిందితుడు మోహిత్ కుమార్పై IPC సెక్షన్ 354, సెక్షన్ 323 మరియు సెక్షన్ 506 (నేరపూరిత బెదిరింపు) కింద కేసు నమోదు చేశారు.
|
|