న్యూ ఇయర్ వేడుకల పై ఆంక్షలివే

తెలంగాణ,ఏపీ పోలీసులు న్యూ ఇయర్ వేడుకలకు సంబంధించి ఆంక్షలను విడుదల చేశారు. ఆంక్షలను ఉల్లంఘించిన వారికి కఠిన శిక్ష తప్పదని ఇరు రాష్ట్రాల డీజీపీలు హెచ్చరించారు. శాంతియుత వాతావరణంలో సంబరాలు జరుపుకోవాలన్నారు. ఎవరికి వారు ఇంట్లోనే ఉండి వేడుకలు నిర్వహించుకోవాలని పోలీసులు సూచించారు. విశాఖ బీచ్ ఏరియాలో అనుమతి లేదని సీపీ హెచ్చరించారు. ప్రజలంతా ఇళ్లలోనే నూతన సంవత్సర వేడుకలు నిర్వహించుకోవాలని బయటికి రావద్దని వారు తెలిపారు.

పోలీసులు విధించిన ఆంక్షలు ఇవే..

వేడుకల్లో డీజేలు, మైకులు, ఆర్కెస్ట్రాలకు అనుమతి లేదు. గ్రామాలు, పట్టణాల్లో కూడళ్లలో మైకులు పెట్టి డ్యాన్సులు చేస్తే కఠిన చర్యలు.

రోడ్ల పై కేకులు కట్ చేయడం, బాణాసంచ పేల్చడం నిషిద్దం.

ధ్వని కాలుష్యం పై ఫిర్యాదు వస్తే వెంటనే వారిని అదుపులోకి తీసుకోవడం.

మద్యం తాగుతూ అక్రమ సిట్టింగులు, బహిరంగ ప్రదేశాల్లో మద్యం తాగి దొరకడం, గుంపులు గుంపులుగా కనిపిస్తే వారి అరెస్టు.

అంతా ఖచ్చితంగా మాస్క్, భౌతిక దూరం పాటించాలి.

నేడు సాయంత్రం 6 గంటల నుంచి పోలీసులు పెట్రోలింగ్ నిర్వహిస్తారు. ఆకస్మిక డ్రంకైన్ డ్రైవ్ ల నిర్వహణ.

మొదటిసారి మద్యం సేవించి పట్టుబడితే రూ. 10 వేల జరిమాన లేదా 6 నెలల జైలు శిక్ష.

రెండోసారి మద్యం సేవించి పట్టుబడితే రూ.15 వేల జరిమాన లేదా 2 ఏళ్ల జైలు శిక్ష, డ్రైవింగ్ లైసెన్స్ రద్దు.

గ్రామాలు, పట్టణాలు, నగరాల్లో నేడు సాయంత్రం 6 నుంచి శనివారం ఉదయం వరకు పోలీసుల తనిఖీలు.

డిసెంబర్ 31 రాత్రి 11 నుంచి ఉదయం 5 వరకు ఫ్లై ఓవర్ల మూసివేత.

వాహన డాక్యుమెంట్లు, కంపెనీలకు వెళ్లే వారు ఐతే యూనిఫాం తప్పనిసరిగా ఉండాలి.

తాగి నడిపారని ఫిర్యాదులు వస్తే క్యాబ్, ఆటో డ్రైవర్లకు ఫైన్.

మద్యం సేవించిన కస్టమర్లు వాహనం నడపకుండా పబ్ యాజమాన్యం బాధ్యత వహించాలి.

మైనర్లు వాహనం నడిపితే యజమానితో పాటు మైనర్ కు కూడా శిక్ష.

మహిళలకు ఇబ్బందులు లేకుండా షీ టీమ్ ల గస్తీ.

ప్రజలను ఎవరైనా ఇబ్బందికి గురి చేస్తే వెంటనే డయల్ 100కి ఫోన్ చేసి ఫిర్యాదు చేయాలని పోలీసులు తెలిపారు.