ట్రెండింగ్
రెహమాన్ ఇంట్లో పెళ్లి బాజాలు
national | Suryaa Desk | Published : Sun, Jan 02, 2022, 08:30 PM
సంగీత దర్శకుడు రెహమాన్ కుమార్తె ఖతీజా నిశ్చితార్థం డిసెంబరు 29న ఘనంగా జరిగింది. కరోనా వ్యాప్తి నేపథ్యంలో కుటుంబ సభ్యులు, అత్యంత సన్నిహితులు మాత్రమే ఈ కార్యక్రమానికి హాజరయ్యారు. నిశ్చితార్థం ఫొటోలను ఖతీజా సోషల్ మీడియాలో పంచుకుంది. ఇక, ఖతీజా చేయందుకోబోయే వ్యక్తి పేరు రియాసిద్దీన్ షేక్ మహ్మద్. ఇంజినీరింగ్ పట్టభద్రుడైన రియాసిద్దీన్ కూడా సంగీత రంగంతో సంబంధం ఉన్నవాడే. సినీ, వినోద రంగంలో లైవ్ సౌండ్ ఇంజనీర్ గా వ్యవహరిస్తున్నాడు. ఖతీజా గతంలో 'రోబో' చిత్రంలో ఓ పాట కూడా పాడింది. రోబో చిత్రానికి రెహమానే సంగీతం అందించారు. డిసెంబరు 29న ఖతీజా పుట్టినరోజు కాగా, అదే రోజున నిశ్చితార్థం జరిగింది. ఖతీజా, రియాసిద్దీన్ ల పెళ్లికి ఇంకా ముహూర్తం నిర్ణయించలేదు. రెహమాన్ కు ఖతీజా, రహీమా అనే కుమార్తెలతో పాటు అమీన్ అనే కుమారుడు కూడా ఉన్నారు.
|
|