మీకు గ్యాస్ కనెక్షన్ కావాలా....ఇకలేదు బెంగా..ఒక మిస్డ్ కాల్ తో ఎల్పీజీ గ్యాస్ కనెక్షన్

ఇండియా అయిల్ కార్పొరేషన్ లిమిటెడ్ ఓ వినూత్న కార్యక్రమానికి శ్రీకారం చుట్టింది. కొత్త ఎల్‌పీజీ గ్యాస్ కనెక్షన్ తీసుకోవాలంటే ఇప్పటి వరకు కాస్త కష్టమే. ఆఫీసుల చుట్టూ తిరగాల్సి ఉండేది. కానీ ప్రస్తుతం ఆ బాధలన్ని తప్పాయి. ఎల్‌పీజీ కనెక్షన్ కోసం కేవలం ఒక్క మిస్డ్ కాల్ ఇస్తే సరిపోతుంది. మిస్డ్ కాల్ ఇచ్చిన తర్వాత.. మీరు తేలికగా ఎల్‌పీజీ కనెక్షన్ పొందవచ్చు. కేవలం మిస్డ్ కాల్ ద్వారా గ్యాస్ కనెక్షన్‌ను కస్టమర్లకు అందించనున్నామని ఇండియన్ ఆయిల్ కార్పొరేషన్ లిమిటెడ్(ఐఓసీఎల్) ట్వీట్ చేసింది. ఈ ప్రయోజనాలను పొందాలని కస్టమర్లకు పిలుపునిచ్చింది. ఐఓసీఎల్ షేర్ చేసిన సమాచారం ప్రకారం, మీకు గ్యాస్ కనెక్షన్ కావాలంటే.. 8454955555 నెంబర్‌కి మిస్డ్ కాల్ ఇవ్వాల్సి ఉంటుంది. ఆ తర్వాత మిమ్మల్ని ఐఓసీఎల్ ఉద్యోగులు కాంటాక్టు అవుతారు. అడ్రస్ ప్రూఫ్, ఆధార్‌తో మీరు గ్యాస్ కనెక్షన్‌ను పొందవచ్చు. ఈ నెంబర్ ద్వారానే గ్యాస్ రీఫిల్ కూడా చేసుకోవచ్చు. దీని కోసం మీరు రిజిస్టర్డ్ మొబైల్ నెంబర్ నుంచి ఈ నెంబర్‌కి కాల్ చేయాల్సి ఉంటుంది. ఒకవేళ అప్పటికే మీ ఇంట్లో వారికి ఎవరికైనా గ్యాస్ కనెక్షన్ ఉండి, అడ్రస్ ఒకటే ఉంటే.. మీరు గ్యాస్ కనెక్షన్ కోసం గ్యాస్ ఏజెన్సీకి వెళ్లాల్సి ఉంటుంది. వారికి పాత గ్యాస్ కనెక్షన్‌కు సంబంధించిన డాక్యుమెంట్లు చూపించి.. వెరిఫై చేసుకోవాలి. ఆ తర్వాత మాత్రమే మీకు ఆ అడ్రస్‌పై గ్యాస్ కనెక్షన్ వస్తుంది. ఎల్‌పీజీ సిలిండర్ ను ఇలా బుక్ చేసుకోవాలి. మీ రిజిస్టర్డ్ మొబైల్ నెంబర్ నుంచి 8454955555కి మిస్డ్ కాల్ ఇవ్వాలి. భారత్ బిల్ పేమెంట్ సిస్టమ్ ద్వారా ఎల్‌పీజీ సిలిండర్లను రీఫిల్ చేసుకోవచ్చు. ఇండియన్ ఆయిల్ యాప్ లేదా https://cx.indianoil.in ద్వారా కూడా బుక్ చేసుకోవచ్చు. 7588888824 నెంబర్‌కి వాట్సాప్ మెసేజ్ చేయడం ద్వారా కూడా కస్టమర్లు సిలిండర్‌ను ఫిల్ చేసుకోవచ్చు. ఇవి మాత్రమే కాక, 7718955555 నెంబర్‌కి ఎస్ఎంఎస్ లేదా ఐవీఆర్ఎస్ చేయడం ద్వారా కూడా బుకింగ్ చేసుకోవచ్చు. అమెజాన్, పేటీఎం యాప్ ద్వారా కూడా సిలిండర్లను బుక్ చేసుకోవచ్చు.