ఉక్రెయిన్ను చర్చలకు ఆహ్వానించిన రష్యా
international | Suryaa Desk | Published : Sun, Feb 27, 2022, 02:36 PM
ఓ వైపు ఉక్రెయిన్పై మారణహోమానికి పాల్పడుతున్న రష్యా ఆ దేశాన్ని చర్చలకు ఆహ్వానించింది. బెలారస్లో చర్చలకు రావాలని ఉక్రెయిన్కు సూచించింది. చర్చలకు పిలిచినప్పటికీ ఆ దేశ సైన్యం ఉక్రెయిన్లో దూకుడుగా ముందుకు పోతోంది. క్షిపణి దాడులు, వైమానికి దాడులు, యుద్ధ ట్యాంకులతో బీభత్సాన్ని సృష్టిస్తోంది. దీనికి ఉక్రెయిన్ నుంచి తీవ్ర ప్రతిఘటన ఎదురవుతోంది. ఈ క్రమంలో రష్యా చర్చలకు ఆహ్వానించడంపై ఉక్రెయిన్ స్పందించింది. అయితే రష్యా చెబుతున్నట్లు బెలారస్లో చర్చలు ఆచరణ సాధ్యం కాదని స్పష్టం చేసింది. పోలండ్ రాజధాని వార్సా లేదా హంగేరీ రాజధాని బుడాపెస్ట్, టర్కీ రాజధాని ఇస్తాంబుల్లో చర్చలు పెడితే తమకు అభ్యంతరం ఉండదని ఉక్రెయిన్ అధ్యక్షుడు జెలెన్ స్కీ ప్రకటించారు. ఉక్రెయిన్పై దాడికి రష్యాకు బెలారస్ సహకరించిన విషయం తెలిసిందే. రష్యా దళాలను తమ దేశం నుంచి ఉక్రెయిన్పై దాడి చేసేందుకు ఆ దేశం అనుమతినిచ్చింది. ఈ నేపథ్యంలోనే బెలారస్లో చర్చలకు ఉక్రెయిన్ నిరాకరించింది.
|
|