ఆయన సినిమాలో నటించడం చాలా ఆశ్చర్యంగా ఉంది: రాహుల్
cinema | Suryaa Desk | Published : Sun, Dec 15, 2019, 05:52 PM
బిగ్బాస్ సీజన్ 3' విజేత రాహుల్ సిప్లిగంజ్ ఒక స్టార్ గా మారిపోయాడు. రాహుల్ 'రంగమార్తాండ' సినిమా నటిస్తున్న సంగతి తెలిసిందే . రాహుల్ సిప్లిగంజ్ నటుడిగా మారబోతున్నాడనే విషయం తెలిసిందే. కృష్ణవంశీ దర్శకత్వం వహిస్తున్న 'రంగమార్తాండ' చిత్రంతో వెండితెరకు నటుడిగా పరిచయం కానున్నట్లు ఆయన ఇటీవల ప్రకటించారు. తనకెంతో ఇష్టమైన దర్శకుడి సినిమాలో నటించే అవకాశం రావడం చాలా సంతోషంగా ఉందని రాహుల్ పేర్కొన్నారు. తాజాగా రాహుల్ 'రంగమార్తాండ' సినిమా షూటింగ్లో పాల్గొన్నారు. దర్శకుడు కృష్ణవంశీతో సెట్లో తీసుకున్న ఓ ఫొటోను ఇన్స్టా వేదికగా షేర్ చేశారు. 'ఆయన తెరకెక్కించిన సినిమాలు చూస్తూ పెరిగిన నేను ఈరోజు ఆయన సినిమాలోనే నటించడం చాలా ఆశ్చర్యంగా ఉంది. ఇప్పటికీ నేను నమ్మలేకపోతున్నాను. ఇది నిజంగానే జరుగుతుందా..!! క్రియేటివ్ జీనియస్ కృష్ణవంశీ సర్తో 'రంగమార్తాండ' సెట్లో తీసుకున్న మొదటి ఫొటోను మీతో షేర్ చేసుకోవడం చాలా సంతోషంగా ఉంది. బిగ్బాస్3 తర్వాత నా జీవితంలో జరిగిన గొప్ప విషయమిదే. నటుడిగా నా ప్రయాణం ఆయన చేతుల మీదుగా ప్రారంభమైంది.' అని రాహుల్ పేర్కొన్నారు.
|
|