ఆ సినిమా ఎవరూ చూడరేమో…
cinema | Suryaa Desk | Published : Fri, Dec 20, 2019, 01:39 PM
నటిగా జాన్వీకి రెండేళ్లు కూడా లేవు. అయినా ఆమెకొచ్చిన పేరు గుర్తించదగిందే. తొలి సినిమా ధడక్ మంచి విజయాన్ని అందించగా, కుటుంబ నేపథ్యమూ ఆమెకు కలిసొచ్చి గుర్తింపు తెచ్చుకుంది. ఇప్పుడు వరుసగా సినిమాలు చేస్తోంది. వీటిలో గుంజన్ సక్సేనా బయోఫిక్, రూహీ అఎ్ఝా లాంటి చిత్రాలున్నాయి. నటిగా తనకు కొన్ని కోర్కెలున్నాయని తెలిపింది జాన్వీ. ఇటీవల ఓ మేగజైన్తో మాట్లాడుతూ…మాలాంటి తారల గురించి వచ్చే వదంతులకు లెక్కే లేదు. నేను ఒకసారి టెర్రరిజం మీద రాసిన పుస్తకాన్ని చదువుతున్నాను. ఎవరో ఫొటో తీసి తీవ్రవాదం నేపథ్య చిత్రంలో నటిస్తున్నానని రాశారు. రణ్బీర్ కపూర్, వికీ కౌషల్లతో నటించాలని ఉంది. సంజూ చిత్రంలో నటనతో వికీ కౌశల్ బాగా నచ్చాడు. ఇక రణ్బీర్ కపూర్ నాకు తెలిసి అరుదైన నటుడు. ఆలియా భట్ నటన నచ్చుతుంది. వదంతులు రాయడానికి బాగానే ఉంటాయి. రాసే వాళ్లకు అవి ఆనందిస్తాయేమో గానీ మాకు చాలా బాధ కలిగిస్తాయి. చాలా సార్లు వాటిని మేము చూసీ చూడనట్లు వదిలేసినా కొన్ని చదవడం కష్టంగా ఉంటుంది. సామాజిక మాధ్యమాల్లోని నా ఖాతాలో ఇతరులు పోస్టులు చేసే చాలా వ్యాఖ్యలను ఫిల్టర్ చేస్తుంటాను. మా కుటుంబాన్ని అంతటినీ కలిపి సినిమా చేయాలంటే ఆ సినిమాకు పదివేల కోట్ల రూపాయల ఖర్చవుతుంది. బహుషా అది విడుదల కాకపోవచ్చు. తెరపైకి వచ్చినా మేమే చూసుకోవాలి. అని చెప్పింది.
|
|