నటిగా 11 ఏళ్ల ప్రస్థానం..
cinema | Suryaa Desk | Published : Fri, Dec 20, 2019, 02:00 PM
అనుష్క శర్మ నటిగా తెరకు పరిచయమై పదకొండేళ్లవుతోంది. రబ్ నే బనాదీ జోడీ చిత్రంతో షారుక్ సరసన అరంగేట్రం చేసిందీ సుందరి. తొలి చిత్రమే భారీది కాబట్టి, అలాంటి ఘన విజయమే దక్కింది. రబ్ నే బనాదీ జోడీ తర్వాత అనుష్క శర్మ ఒక్కసారిగా స్టార్ గా మారిపోయింది. స్టార్ హీరోల సరసన వరుస చిత్రాల్లో నటించింది. షారుక్, సల్మాన్, ఆమిర్ లాంటి దిగ్గజాలతో నటిస్తూనే యువ హీరోలతోనూ ఆడిపాడింది. నటిగానే కాకుండా నిర్మాతగానూ తన అభిరుచిని చాటుకుంది. ఇంత సాధించినా ఇంకా చేయాల్సింది చాలా ఉందని చెబుతుంటుందీ భామ. చాలా చిన్న వయసులోనే నేను పేరు తెచ్చుకున్నాను. అనేక క్లిష్ట పరిస్థితులను సమర్థవంతంగా ఎదుర్కొన్నాను. ఈ విషయంలో గర్వపడుతుంటాను. అని అభిప్రాయపడుతుం టుంది. ఇటీవల వాణిజ్య తరహా చిత్రాలకు మానేసి, విభిన్న కథా సినిమాలు ఎంచుకుంటోంది. షారుక్తో జీరో సినిమా చేసింది, సూయి దాగా చిన్న చిత్రమైనా ఆమెకు బాగా పేరు తీసుకొచ్చింది. ఆమెను జాతీయ ఉత్తమ నటిగా ఈ ఏడాది ప్రకటించాలని అభిప్రాయాలు వెలువడ్డాయి. పదకొండేళ్ల కెరీర్లో అత్యధిక విజయశాతంతో అనుష్క శర్మ బాలీవుడ్ నాయికల్లో అగ్ర తారగా వెలుగొందుతోంది.
|
|