నాగశౌర్య '2' సెంటిమెంట్ కలిసొచ్చేనా...!

అలా ఎలా, లవర్, గాలి సంపత్ వంటి సున్నితమైన కథలను చాలా హృద్యంగా తెరకెక్కించాడు దర్శకుడు అనీష్ కృష్ణ. తాజాగా అనీష్ దర్శకత్వంలో నాగసౌర్య హీరోగా నటిస్తున్న చిత్రం కృష్ణ వ్రిoద విహారి. నాగసౌర్య సొంత బ్యానర్ ఐరా క్రియేషన్స్ ఈ సినిమాను నిర్మిస్తుంది. మహాతిస్వరసాగర్ సంగీతం అందిస్తున్న ఈ చిత్రంలో షిర్లీ సేథియా హీరోయిన్గా పరిచయమవుతుంది. రాధికా శరత్ కుమార్ కీలక పాత్ర పోషిస్తున్న ఈ చిత్రం ఏప్రిల్ 22న విడుదలయేందుకు సిద్ధంగా ఉంది. చాలా కాలంగా సాలిడ్ హిట్ కోసం ఈగర్ గా వెయిట్ చేస్తున్నాడు శౌర్య. 

అయితే ... ఏప్రిల్ 22 న సినిమా రిలీజ్ అవుతుందని మేకర్స్ ప్రకటించినా ప్రేక్షకుల్లో తగిన బజ్ మాత్రం క్రియేట్ అవలేదు. అదీకాక రెండు భారీ చిత్రాల నడుమ కృష్ణ వ్రిoద విహారిను రిలీజ్ చెయ్యటం సరైన నిర్ణయమేనా అనే  సందేహాలు వస్తున్నాయి. ఏప్రిల్ 14 న కేజీఎఫ్ రిలీజై ఫస్ట్ షో తోనే సూపర్ హిట్ టాక్ తో దూసుకుపోతుంది. దీని తరవాత రెండు వారాలకి మెగాస్టార్, మెగా పవర్ స్టార్ కలిసి థియేటర్లలో ఆచార్య గా దాడికి దిగబోతున్నారు. మరి ఇలాంటి పరిస్థితుల మధ్య కృష్ణ వ్రిoద విహారి అనే చిన్న సినిమాని రిలీజ్ చేయటం ఎంతవరకు కరెక్ట్ అని నాగశౌర్య అభిమానులు ఆందోళన చెందుతున్నారు. అయితే నాగశౌర్య మాత్రం కృష్ణ వ్రిoద విహారిని ఎలాగైనా ఏప్రిల్ 22నే విడుదల చేయాలని భీష్మించుకు కుర్చున్నాడట. ఎందుకంటే నాగశౌర్యకు 2 సెంటిమెంట్ ఉంది. ఏప్రిల్ 22 న కృష్ణ వ్రిoద విహారిని విడుదల చేస్తే తన సెంటిమెంట్ వర్కౌట్ అయ్యి హిట్ కొడతానని నాగశౌర్య నమ్మకమంట. చిత్రసీమలో సెంటిమెంట్లకు ఎంత ప్రాముఖ్యతనిస్తారో అందరికీ బాగా తెలుసు. మరి నాగశౌర్య సెంటిమెంట్ వర్కౌట్ అవుతుందా...? లేక కృష్ణ వ్రిoద విహారి మూవీని వాయిదా వేస్తారా? చూడాలి ఏం జరుగుతుందో.