మళ్ళీ సౌత్ లో అడుగుపెట్టబోతున్న రకుల్...
cinema | Suryaa Desk | Published : Thu, Apr 14, 2022, 09:40 PM
రకుల్ ప్రీత్ సింగ్... ప్రస్తుతం బాలీవుడ్లో వరస సినిమాలు చేస్తూ చాలా బిజీగా గడుపుతుంది. అంతకుముందు టాలీవుడ్, కోలీవుడ్లలో స్టార్ హీరోయిన్ గా తన హవా చూపించింది రకుల్. ఈ మధ్య సౌత్ లో తనకు అవకాశాలు తగ్గుముఖం పట్టడంతో బాలీవుడ్లో పాగా వేయాలని అటుగా ప్రయాణించింది. ఇప్పటికే షూటింగ్లను పూర్తి చేసుకున్న రన్ వే 34, డాక్టర్ జీ, థాంక్ గాడ్, మిషన్ సిండ్రెల్లా, ఛత్రీవాలి సినిమాలు ఈ ఏడాదిలోనే వరసగా విడుదలవబోతున్నాయి.
అయితే ... తాజాగా ఆమెకు ఒక సౌత్ సినిమాలో ఆఫర్ దక్కింది. చెప్పాలంటే ఇది ఒకరకంగా రకుల్ కు సౌత్ లో కంబ్యాక్ చిత్రమనే చెప్పాలి. డైరెక్టర్ హెచ్. వినోద్ రూపకల్పనలో కోలీవుడ్ స్టార్ హీరో తాలా అజిత్ నటించిన నెర్కొండ పార్వై, వలిమై చిత్రాలు ఘనవిజయం సాధించిన విషయం తెలిసిందే. ఇప్పుడు అదే కాంబినేషన్ లో మరో సినిమా తెరకెక్కబోతుంది. అజితే కెరీర్లో 61 వ సినిమా ఇది. అందుకే ఈ చిత్రాన్ని #AK 61 వర్కింగ్ టైటిల్ తో పిలుస్తున్నారు. ఇందులో అజిత్ సరసన హీరోయిన్ గా నటించే అవకాశాన్ని రకుల్ ప్రీత్ సింగ్ కొట్టేసిందని చిత్రవర్గ సమాచారం. ఇటీవలనే ఈ మూవీ హైదరాబాద్ లో పూజా కార్యక్రమాన్ని జరుపుకుని తొలి షెడ్యూల్ ని స్టార్ట్ చేసింది.
|
|