'బాహుబలి 2' 6 రోజుల రికార్డుకు కేజీఎఫ్ 2 బ్రేక్

ఏప్రిల్ 14న కేజీఎఫ్ 2 మూవీ ధియేటర్లలోకొచ్చినప్పటి నుండి అప్పటి వరకు ఉన్న పాత రికార్డులను చెరిపేస్తూ పోతుంది. కొన్ని ప్రాంతాలలో సరికొత్త రికార్డులను నమోదు చేస్తూ, బాక్సాఫీస్ వద్ద మ్యాజికల్ వసూళ్లను రాబడుతోంది. ముఖ్యంగా నార్త్ లో కేజీఎఫ్ 2 మూవీకి జనాలు బ్రహ్మరథం పడుతున్నారు. తమ ఇండస్ట్రీ చిత్రం కానప్పటికీ ఈ హై ఓల్టేజ్ మాస్ యాక్షన్ మూవీ కి బాలీవుడ్ ప్రేక్షకులు ఎంతో ఆదరణ చూపిస్తున్నారు. విడుదలకు ముందే అడ్వాన్స్ బుకింగ్స్ లో ఫుల్ జోష్ చూపించిన ఈ మూవీ విడుదల తర్వాత మరిన్ని ఘనతలను సాధిస్తుంది. విడుదలైన తొలి రోజే అత్యంత భారీ వసూళ్లను సాధించి నార్త్ లో తొలిరోజు అత్యధిక వసూళ్లు సాధించిన సినిమాలలో అగ్రస్థానానికి చేరుకుంది. కేవలం తొలి రోజే కాకుండా మిగిలిన రోజులలో కూడా అదే జోరుతో ఈ మూవీ ప్రదర్శింపబడుతోంది. నార్త్ లో బాహుబలి సెట్ చేసిన ఒక అరుదైన ఘనతను కేజీఎఫ్ 2 పటాపంచలు చేసింది. బాహుబలి 2 రూ. 200కోట్ల మార్కును అందుకోవటానికి 6 రోజులు పడితే, కేజీఎఫ్ 2 కేవలం ఐదు రోజుల్లోనే ఆ ఘనతను సాధించి సరికొత్త రికార్డును క్రియేట్ చేసింది. విశేషమేంటంటే... ఐదు రోజుల్లో రెండొందల కోట్ల క్లబ్ లో చేరటం అంటే మాములు విషయం కాదు. ఇలాంటి ఫీట్ మరే ఇతర హిందీ సినిమా కూడా అందుకోలేకపోయింది. ఆదివారం నాటికి రూ. 193+కోట్ల నెట్ కలెక్షన్లతో బాలీవుడ్ బాక్సాఫీస్ వద్ద ఉన్న కేజీఎఫ్ 2, సోమవారానికల్లా రూ. 200 కోట్ల క్లబ్ లో చేరింది. నార్త్ లో ఈ సినిమాకి ఇప్పుడప్పుడే బ్రేకులు పడేటట్టు కనిపించట్లేదు. చూడాలి... లాంగ్ రన్ లో ఈ మూవీ ఎన్ని కోట్లను కలెక్ట్ చేస్తుందో...  ఇంకెన్ని రికార్డులను బద్దలు కొడుతుందో.