కరణ్ జోహార్ డైరెక్టోరియల్ లో మరోసారి షారుఖ్-కాజోల్?
cinema | Suryaa Desk | Published : Sat, Apr 30, 2022, 02:33 PM
బాలీవుడ్ సక్సెసఫుల్ ఆన్ స్క్రీన్ కపుల్స్ లో మొట్టమొదటి జంట షారుఖ్ ఖాన్, కాజోల్. ఈ జంట ఆన్ స్క్రీన్ రొమాన్స్ కు బాలీవుడ్ జనాలు జోహార్లు కొట్టిన సందర్భాలు చాలానే ఉన్నాయి. ముఖ్యంగా బాలీవుడ్ మోస్ట్ సక్సెస్ఫుల్ డైరెక్టర్ కరణ్ జోహార్ దర్శకత్వంలో షారుఖ్, కాజోల్ లు నటించిన కుచ్ కుచ్ హోతా హై, కభీ ఖుషీ కభీ గమ్, మై నేమ్ ఈజ్ ఖాన్ వంటి చిత్రాలు ఈ జంటకు మరింత గుర్తిపును, క్రేజును తీసుకొచ్చాయి. అయితే చాలా కాలం తర్వాత కరణ్ దర్శకత్వం వహిస్తున్న చిత్రం రాఖీ ఔర్ రాణీ కి ప్రేమ్ కహానీ. స్టార్ హీరో రణ్ వీర్ సింగ్, నవ వధువు ఆలియా భట్ హీరోహీరోయిన్లుగా నటిస్తున్నారు. ఇందులో షారుఖ్-కాజోల్ జంట తళుక్కున మెరవనుందని బాలీవుడ్ మీడియా వర్గాల సమాచారం. మాములుగా తను దర్శకత్వం వహించే, లేదా నిర్మించే సినిమాలలో కరణ్ ఈ జంటతో గెస్ట్ అప్పియరెన్స్ చేయించాడు. వాటికి బాలీవుడ్ జనాల నుండి సూపర్ రెస్పాన్స్ వచ్చింది. ఇప్పుడు ఈ ప్రెస్టీజియస్ సినిమాలో కూడా కరణ్ తప్పకుండా ఈ క్రేజీ పెయిర్ ను నటింపచేస్తాడని అంటున్నారు. అయితే అది స్పెషల్ సాంగ్ ఆ, లేక స్పెషల్ సీన్ ఆ అన్నది ఇంకా తెలియదు. అయితే ఈ వార్తపై ఎలాంటి అధికారిక సమాచారం లేకపోయినప్పటికీ బాలీవుడ్ జనాలు మాత్రం షారుఖ్-కాజోల్ జంట తెరపై కనిపిస్తారనేసరికి సంబరాలు చేసుకుంటున్నారు.
|
|