బాక్స్ఆఫీస్ వద్ద ఈ రెండు సినిమాలతో పోటీపడనున్న 'భళా తందనాన'
cinema | Suryaa Desk | Published : Sat, Apr 30, 2022, 02:34 PM
చైతన్య దంతులూరి దర్శకత్వంలో టాలీవుడ్ యంగ్ అండ్ టాలెంటెడ్ హీరో శ్రీవిష్ణు ఒక సినిమా చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి 'భళా తందనాన' అనే టైటిల్ ని మేకర్స్ లాక్ చేసారు. ఈ సినిమాలో శ్రీ విష్ణు సరసన కేథరిన్ థ్రెసా జంటగా నటిస్తుంది. ఈ సినిమాని ఏప్రిల్ 30, 2022న థియేటర్లలో విడుదల చేయనున్నట్లు మూవీ మేకర్స్ ప్రకటించారు. కానీ, ఈ సినిమా మే 6, 2022కి వాయిదా పడినట్లు మూవీ మేకర్స్ వెల్లడించారు. ఇదే విషయాన్ని తెలియజేస్తూ మూవీ మేకర్స్ ఒక స్పెషల్ పోస్టర్ను విడుదల చేశారు. 'భళా తందనాన' సినిమా విశ్వక్ సేన్ 'అశోక వనంలో అర్జున కళ్యాణం' మరియు సుమ కనకాల 'జయమ్మ పంచాయితీ' తో బాక్సాఫీస్ వద్ద ఢీకొనేందుకు సిద్ధంగా ఉంది. కేజీఎఫ్ ఫేమ్ రామచంద్రరాజు ఈ సినిమాలో విలన్గా నటించారు. సత్య, శ్రీనివాస్ రెడ్డి, పోసాని కృష్ణ మురళి, ఆదర్శ్ బాలకృష్ణ తదితరులు ఈ సినిమాలో కీలక పాత్రలో కనిపించనున్నారు. వారాహి చలనచిత్రం పతాకంపై రజనీ కొర్రపాటి ఈ మూవీని నిర్మిస్తున్నారు. ఈ చిత్రానికి మణిశర్మ సంగీతం అందించారు.
|
|