అశోకవనంలో అర్జునకళ్యాణం యూఎస్ టాక్ ఎలా ఉందంటే?

టాలీవుడ్ యంగ్ అండ్ ట్యాలెంటెడ్ హీరో విశ్వక్ సేన్ నటించిన కొత్త చిత్రం అశోకవనంలో అర్జునకళ్యాణం. రుక్సార్ థిల్లాన్ కధానాయిక. విద్యాసాగర్ డైరెక్షన్లో రూపొందిన ఈ చిత్రం ప్రపంచవ్యాప్తంగా ఈ రోజు విడుదలైంది. విశ్వక్ చేసిన ప్రాంక్ వీడియో ప్రొమోషన్ ఫలితం ఎలా ఉండనుందో ఈ రోజు తెలియనుంది. అమెరికాలో ఈ మూవీ ఫస్ట్ షోస్ ఇప్పటికే ప్రదర్శింపబడ్డాయి. అక్కడ టాక్ ఎలా ఉందో ఒక లుక్కేద్దామా...  మోస్ట్ ఎలిజిబుల్ బ్యాచిలర్ ఐన 33 ఏళ్ళ అల్లం అర్జున్ కుమార్ (విశ్వక్ సేన్) , కు పసుపులేటి మాధవి ( రుక్సార్ థిల్లాన్) కు పెద్దలు కుదిర్చిన వివాహం లో జరిగే అనుకోని పరిస్థితుల చుట్టూ తిరుగుతుంది. విశ్వక్ ఈ సినిమాలో పోషించిన పాత్రను ఎవ్వరు కూడా ఊహించి ఉండరు. పూర్తి కొత్త లుక్ లో విశ్వక్ గెటప్ ఆకట్టుకునే విధంగా ఉంది. ఇన్ ఫీరియర్ గా, ఇంట్రావర్ట్ గా విశ్వక్ నటన అద్భుతం. 

ఇక క్యారెక్టర్ ఆర్టిస్టులు గోపరాజు రమణ, రాజ్ కుమార్ కసిరెడ్డి, కాదంబరి కిరణ్ ల అనుభవం ఈ సినిమాకు బాగా ఉపయోగపడింది. ఈ పాత్రల ద్వారా హిలేరియస్ కామెడీ వర్క్ ఔట్ అయ్యింది. ఇంటర్వెల్ బ్యాక్ డ్రాప్ లో వచ్చే ట్విస్ట్ తో అప్పటివరకు ఎంతో వినోదభరితంగా సాగిన సినిమా ఒక్కసారిగా టర్న్ తీసుకుంటుంది. ఓవరాల్ గా ఫస్ట్ ఆఫ్ ఎంటర్టైనింగ్ గా ఉంది. ఇక సెకండ్ ఆఫ్ కొచ్చేసరికి నెరేషన్ కాస్త స్లో అయ్యింది. ఫ్యామిలీ డ్రామా కాస్త బలమైన ప్రేమకథగా మారుతుంది. కరోనా లాక్ డౌన్ రోజులను ఈ సినిమాలో బాగా వాడుకున్నారు. కాస్త ఎక్కువగానే చూపించారు కూడా. 

మొత్తంగా అశోకవనంలో అర్జునకళ్యాణం సినిమా ఒక ఫ్యామిలీ అండ్ లవ్ ఎంటర్టైనర్ గా ప్రేక్షకులను ఆకట్టుకునే విధంగా ఉంది. ఇది కేవలం అమెరికా లో ఈ సినిమా పట్ల ప్రేక్షకులకున్న అభిప్రాయం మాత్రమే. ఇరు తెలుగు రాష్ట్రాలలో ఈ సినిమాకు ఎలాంటి టాక్ వస్తుందో తెలియాలంటే ఇంకాస్త టైం పడుతుంది.