వచ్చే వేసవిలోనే...చరణ్ .. శంకర్ కాంబినేషన్లోని సినిమా
cinema | Suryaa Desk | Published : Tue, May 17, 2022, 04:58 PM
చరణ్ .. శంకర్ కాంబినేషన్లోని సినిమా ఎప్పుడెప్పుడా అని ఎదురు చూసే అభిమానులు వచ్చే వేసవి వరకు వేచి చూడక తప్పదు.ఈ సినిమాకి దిల్ రాజు నిర్మాతగా వ్యవహరిస్తున్నారు. ఆయన బ్యానర్ పై నిర్మితమవుతున్న 50వ సినిమా ఇది. ఈ సినిమాను వచ్చే సంక్రాంతికి విడుదల చేయాలని దిల్ రాజు భావించారు. అయితే ఈ సినిమా షూటింగు పార్టు ఇంకా చాలానే మిగిలి ఉంది. అందువలన ఈ సినిమాను వచ్చే వేసవిలో విడుదల చేయాలనే నిర్ణయానికి దిల్ రాజు వచ్చాడని అంటున్నారు.
ఇదిలా ఉంటే చరణ్ .. శంకర్ కాంబినేషన్లోని సినిమా షూటింగ్ చకచకా జరుగుతోంది. కెరియర్ పరంగా ఇది చరణ్ కి 15వ సినిమా. ఇప్పటికే ఈ సినిమా కొన్ని షెడ్యూల్స్ ను పూర్తి చేసుకుంది. రీసెంట్ గా వైజాగ్ లో ఒక షెడ్యూల్ ను పూర్తి చేశారు. ఆ తరువాత షెడ్యూల్స్ ను హైదరాబాద్ .. మారేడుమిల్లిలో ప్లాన్ చేశారు.
ఇక మరోపక్క, ఆయన వంశీ పైడిపల్లి దర్శకత్వంలో విజయ్ హీరోగా ఓ సినిమా చేస్తున్న సంగతి తెలిసిందే. తెలుగు .. తమిళ భాషల్లో ఈ సినిమా రూపొందుతోంది. ఈ సినిమాను సంక్రాంతి బరిలో దింపాలనే ఆలోచనకి దిల్ రాజు వచ్చాడని చెబుతున్నారు. ఇందులో విజయ్ జోడీగా రష్మిక అలరిస్తుందనే సంగతి తెలిసిందే.
|
|