ముఖ్యపాత్రలు పరిచయం చేసిన కార్తికేయ2 టీం...బాలీవుడ్ స్టార్ యాక్టర్ కూడా ఒకరు
cinema | Suryaa Desk | Published : Sat, Jun 11, 2022, 02:25 PM
టాలీవుడ్ యంగ్ హీరో నిఖిల్ సిద్ధార్థ్ హీరోగా చందు మొండేటి దర్శకత్వం వహించిన సినిమా కార్తికేయ. 2014లో వచ్చిన ఈ సినిమా నిఖిల్ కెరీర్లోనే బిగ్గెస్ట్ హిట్ గా నిలిచింది. దీంతో ఈ సినిమా సీక్వెల్ పై మొదటినుండి మంచి అంచనాలు నెలకొన్నాయి. కార్తికేయ 2 సినిమా ఎప్పుడో మొదలైంది కానీ కోవిడ్ వల్ల ఈ మూవీ షూటింగ్ పలు మార్లు వాయిదాపడింది. భారతదేశపు తొలి మిస్టికల్ అడ్వెంచరస్ థ్రిల్లర్ గా ఈ సినిమా జులై 22న ప్రేక్షకుల ముందుకు రాబోతుంది. ఇటీవల మూవీ నుండి విడుదల చేసిన మోషన్ పోస్టర్ కు ప్రేక్షకుల నుండి విశేష స్పందన రాగా, తాజాగా ఈ సినిమాలో కీలకపాత్రలు పోషించిన పాత్రధారులను పరిచయం చేస్తూ హీరో నిఖిల్ స్పెషల్ వీడియోను ట్విట్టర్ లో రిలీజ్ చేసారు. ఈ సినిమాలో 'కార్తికేయ' గా నిఖిల్ నటిస్తున్న విషయం తెలిసిందే. హీరోయిన్ 'ముగ్ధ' గా అనుపమ పరమేశ్వరన్, 'ధన్వంతరి' గా బాలీవుడ్ విలక్షణ నటుడు అనుపమ్ ఖేర్, 'సదానంద'గా శ్రీనివాస్ రెడ్డి, 'సులేమాన్'గా వైవా హర్ష, 'శంతను' గా ఆదిత్యమీనన్ నటిస్తున్నారు. వీరి పాత్రల తొలి పోస్టర్లను ఈ వీడియోలో రివీల్ చేసారు.
|
|