నయన్ తో సినిమా అంటే... దర్శకనిర్మాతలు ఆ షరతులు పాటించాలంట!
cinema | Suryaa Desk | Published : Wed, Jun 15, 2022, 09:33 PM
కోలీవుడ్ లేడీ సూపర్ స్టార్ నయనతార ఇటీవలే పెళ్లి చేసుకున్న విషయం తెలిసిందే. ఆరేళ్లుగా ప్రేమిస్తున్న కోలీవుడ్ డైరెక్టర్ విఘ్నేష్ శివన్ ను జూన్ 9న నయన్ వివాహం చేసుకుంది. పెళ్ళైన వెంటనే, తిరుమల శ్రీవారి ఆశీస్సులు తీసుకున్న కొత్త జంట ప్రస్తుతం కేరళలో, నయన్ సొంతింటిలో ఉన్నారు. పెళ్ళైనా కానీ సినిమాల్లో నటిస్తానని చెప్పిన నయన్ దర్శకనిర్మాతలకు కొన్ని కండిషన్స్ పెడుతోందని టాక్. పెళ్ళికి ముందు వరకు తన చేతిలో వున్న ప్రాజెక్ట్స్ ను మినహాయించి, ఇకపై ఒప్పుకునే ప్రతి కొత్త సినిమాకు గ్లామర్ షో చెయ్యనని నయన్ ఖరాఖండిగా చెప్పేస్తోందట. ఇప్పుడేంటి...నిజానికి గత కొన్నాళ్లుగా నయన్ గ్లామర్ పాత్రలకు, మోడరన్ డ్రెస్సులకు దూరంగా ఉంటూ వస్తుంది. పెళ్ళైన తర్వాత ఈ కండిషన్ ను తూచా తప్పకుండా పాటించాలని అనుకుంటుందట. ప్రస్తుతం నయన్ చేతిలో చిరంజీవి గాడ్ ఫాదర్, షారుఖ్ ఖాన్ జవాన్ సినిమాలున్నాయి.
|
|