ట్రెండింగ్
'పొన్నియిన్ సెల్వన్' కోసం ఐదు భాషల్లో డబ్బింగ్ చెప్తున్న చియాన్ విక్రమ్
cinema | Suryaa Desk | Published : Thu, Jul 14, 2022, 04:39 PM
కోలీవుడ్ సినిమాలలో అందరూ ఆసక్తిగా ఎదురుచూస్తున్న సినిమాలలో మణిరత్నం 'పొన్నియిన్ సెల్వన్' ప్రాజెక్ట్ ఒకటి. ఈ సినిమా ప్రస్తుతం నిర్మాణ దశలో ఉండగా రెండు భాగాలుగా రూపొందుతోంది అని సమాచారం. పొన్నియిన్ సెల్వన్: పార్ట్ 1 సెప్టెంబర్ 30, 2022న ప్రేక్షకుల ముందుకు రావడానికి సిద్ధంగా ఉంది. ఈ భారీ బడ్జెట్ పీరియడ్ మూవీలో కార్తీ, విక్రమ్, జయం రవి ముఖ్యమైన పాత్రల్లో కనిపించనున్నారు. తాజాగా ఇప్పుడు, పొన్నియిన్ సెల్వన్ విడుదలయ్యే 5 భాషలకు స్టార్ హీరో విక్రమ్ డబ్బింగ్ చెప్తున్నట్లు ప్రొడక్షన్ హౌస్ ప్రకటించింది. ఇదే విషయాన్ని వెల్లడిస్తూ మూవీ మేకర్స్ ఒక వీడియోను విడుదల చేశారు. ఏఆర్ రెహమాన్ సంగీతం అందిస్తుండగా, శ్రీకర్ ప్రసాద్ ఎడిటింగ్ని అందిస్తున్నారు. ఈ ప్రాజెక్ట్ కి సంబందించిన మరిన్ని వివరాలు మేకర్స్ త్వరలో వెల్లడి చేయనున్నారు.
|
|