ఈ సంవత్సరంలో టాప్ ప్లాప్ చిత్రాలు

2018 సంవత్సరంలో హింది సినిమా ఇండస్ట్రీకి కొన్ని సినిమాల ద్వారా గుర్తించుకొనే లాభాలు వస్తే, కొన్ని సినిమాల ద్వారా మరిచిపోలేని నష్టాలు వచ్చాయి. అందులో పలువురు పెద్ద స్టార్స్ నటించిన సినిమాలు, ఎన్నో అంచనాల మధ్య వచ్చినవి కూడా ఉన్నాయి. మరీ ఆ సినిమాలు ఏంటీ.. వాటీ వల్ల ఎంత నష్టం వచ్చిందో చూద్దాం !

హ్యాపీ ఫిర్ భాగ్ జాయేగీ - సోనాక్షి సిన్హా, డయానా పెంటీ ముఖ్య పాత్రల్లో రూపొందిన చిత్రం 'హ్యాపీ ఫిర్ భాగ్ జాయేగీ'. ముదాసర్ అజీజ్ దర్శకత్వం వహించిన ఈ సినిమా కామెడీ జానర్‌లో రూపొందింది. ఈ చిత్రాన్ని ఈరోస్ ఇంటర్నేషనల్ సంస్థ రూ. 30 కోట్ల బడ్జెట్‌తో నిర్మించగా కేవలం రూ. 20 కోట్లు మాత్రమే రాబట్టింది.

పల్టాన్ -  జాకీ ష్రాఫ్, అర్జున్ రాంపాల్, సోనూ సూద్, హర్ష వర్దన్ రాణె ముఖ్య పాత్రల్లో నటించిన ఈ సినిమాను జేపీ దత్తా దర్శకత్వం వహించారు. యుద్ద నేపథ్యంలో సాగే ఈ సినిమా బాక్సాఫీసు దగ్గర బొల్తా పడింది. రూ. 15 కోట్ల బడ్జెట్‌తో జీ స్టూడియోస్ నిర్మించిన ఈ సినిమా.. బాక్సాఫీసు వద్ద రూ. 8 కోట్ల మాత్రమే రాబట్టింది.

కాలాకండి  - సైఫ్ అలీ ఖాన్ ప్రధాన పాత్రలో నటించిన ఈ సినిమా డార్క్ కామెడీ జానర్‌లో రూపొందించారు. ఈ సినిమాకు డైరెక్టర్ అక్షత్ వర్మ.  కాలాకండిని, సినీస్థాన్ అనే ఫిల్మ్ కంపెనీ రూ. 18 కోట్లతో నిర్మించింది, అయితే ఈ సినిమా బాక్సాఫీస్ వద్ద కేవలం రూ. 5 కోట్లు మాత్రమే రాబట్టగలిగింది.

ఫన్నే ఖాన్ -  ఐశ్వర్యరాయ్, అనిల్ కపూర్, రాజ్ కుమార్ రావ్ ప్రధాన పాత్రల్లో నటించిన సినిమా 'ఫన్నే ఖాన్'. అతుల్ మంజ్రేకర్ దర్శకత్వం వహించారు. ఈ సినిమాను రూ. 39 కోట్ల బడ్జెట్‌తో నిర్మించగా కేవలం రూ. 10 కోట్లు మాత్రమే వసూలు చేసింది.

అయ్యారీ -  సిద్ధార్థ్ మల్హోత్రా, మనోజ్ బాజ్ పాయ్, పూజా చోప్రా ప్రధాన పాత్రల్లో నటించిన చిత్రం 'అయ్యారీ'. రూ. 65 కోట్ల బడ్జెట్‌తో రూపొందిన ఈ చిత్రం బాక్సాఫీస్ వద్ద కేవలం రూ. 18 కోట్లుమాత్రమే వసూలు చేసింది.

బట్టి గుల్ మీటర్ చాలు-  షాహిద్ కపూర్, శ్రద్ధా కపూర్, యామీ గౌతమ్ ప్రధాన పాత్రల్లో నటించిన చిత్రం 'బట్టి గుల్ మీటర్ చాలు'. శ్రీనారాయణ్ సింగ్ ఈ సినిమాకు దర్శకత్వం వహించారు. రూ. 49 కోట్లతో భూషణ్ కుమర్ నిర్మించారు. అయితే ఈ చిత్రం బాక్సాఫీస్ వద్ద కేవలం రూ. 37 కోట్లు మాత్రమే వసూలు చేసింది.

నమస్తే ఇంగ్లాండ్ -  అర్జున్ కపూర్, పరిణీతి చోప్రా ప్రధాన పాత్రల్లో నటించిన ఈ సినిమా రొమాంటిక్ కామెడీ జానర్‌లో రూపొందింది. విపుల్ అమృతల్ షా దర్శకత్వం వహించిన ఈ సినిమాని రిలయన్స్ ఎంటర్టెన్మెంట్స్ సంస్థ రూ. 54 కోట్ల బడ్జెట్‌తో నిర్మించింది. అయితే ఈ చిత్రం బాక్సాఫీసు వద్ద కేవలం రూ. 10 కోట్లు కూడా రాబట్టలేక పోయింది.

రేస్ 3 -  సల్మాన్ ఖాన్, బాబీ డియోల్, అనిల్ కపూర్, జాక్వెలిన్ ఫెర్నాండెజ్ ప్రధాన పాత్రల్లో నటించిన ఈ సినిమాను రెమో డిసౌజా దర్శకత్వం చేశారు. యాక్షన్ జానర్‌లో రూపొందించిన ఈ సినిమాను రూ. 185 కోట్లతో రమేస్ ఎస్ తౌరానీ నిర్మించారు. అయితే.. ఈచిత్రం ప్రపంచ వ్యాప్తంగా రూ. 170 కోట్ల గ్రాస్ మాత్రమే వసూలు చేసింది.

థగ్స్ ఆఫ్ హిందోస్తాన్ -  అమీర్ ఖాన్, అమితాబ్ బచ్చన్, కత్రినా కైఫ్, ఫాతిమా సనా షేక్ నటించిన ఈ సినిమాను యశ్ రాజ్ ఫిలింస్ రూ. 350 కోట్ల బడ్జెట్‌తో నిర్మించింది. అయితే ఈ సినిమా బాక్సాఫీసు వద్ద కేవలం రూ. 262 కోట్లు మాత్రమే వసూలు చేసింది. దీంతో థగ్స్ ఆఫ్ హిందోస్తాన్, ఈ సంవత్సరానికి హింది సినీ పరిశ్రమలో నెం.1 డిజాస్టర్‌గా నిలిచింది.