అత్తారింటికి దారేది రీమేక్ క్లైమాక్స్ సీన్ నవ్వులపాలయింది
cinema | Suryaa Desk | Published : Tue, Feb 05, 2019, 12:03 PM
పవన్కళ్యాణ్, త్రివిక్రమ్ల 'అత్తారింటికి దారేది' పేరు చెప్పగానే గుర్తొచ్చేది క్లయిమాక్స్ సీన్. అత్యంత హృద్యంగా చిత్రీకరించిన ఆ సన్నివేశంలో త్రివిక్రమ్ రాసిన అద్భుతమైన సంభాషణలకి తోడు పవన్కళ్యాణ్ తన కెరియర్ బెస్ట్ పర్ఫార్మెన్స్ ఇచ్చాడు. ఆ సీన్ వల్లే సినిమా రేంజ్ పెరిగి అంత హిట్ అయిందనేది కూడా కాదనలేని సత్యం.
అయితే ఆ సీన్ని అలా తీసేయడం, చేసేయడం, అదే విధంగా కదిలించడం అంత ఈజీ కాదని తమిళ రీమేక్ చూస్తే తెలుస్తుంది. స్వతహాగా డీసెంట్ యాక్టర్ అయిన శింబు 'అత్తారింటికి దారేది' తమిళ రీమేక్లో నటించాడు. ఇటీవలే విడుదలైన ఈ చిత్రానికి బ్యాడ్ టాక్ వచ్చింది. సినిమా ఫ్లాపవడం మాట అటుంచితే, తెలుగులో అంతగా క్లిక్ అయిన క్లయిమాక్స్ సీన్ తమిళంలో నవ్వులపాలయింది. శింబు తన అత్తయ్య రమ్యకృష్ణతో సెంటిమెంట్ డైలాగులు చెబుతూ వుంటే థియేటర్లలో జనం ఘొల్లున నవ్వుతున్నారు.
థియేటర్లలో ట్రోలింగ్కి గురవుతోన్న ఈ చిత్రంలోని వీడియో క్లిప్పింగ్లు సోషల్ మీడియాలో వైరల్ అయ్యాయి. చూసేందుకు చాలా సింపుల్గా వుండే ఆ సీన్కి అన్నీ గొప్పగా కుదరడం వల్ల తెలుగులో అంతగా క్లిక్ అయింది. కానీ తమిళ వెర్షన్లో యథాతథంగా అనుకరించినా కానీ ఆ మ్యాజిక్ రిపీట్ కాకపోగా కామెడీ అయిపోయింది.
|
|