కైరా అద్వానీ పాత్ర పై విమర్శలు
cinema | Suryaa Desk | Published : Thu, May 30, 2019, 02:27 PM
బాలీవుడ్లోనే కాదు ఇటీవల టాలీవుడ్లో కూడా పేరు పొందిన కైరా అద్వానీకి ఇప్పుడు చేతినిండా చిత్రాలున్నాయి. అయినప్పటికీ ఇప్పుడు ఆమె ఓ బోల్డ్ పాత్రలో నటిస్తుండటం విమర్శలకు తావిస్తోంది. ఇందు కీ జవాని అనే టైటిల్తో రూపొందుతున్న బాలీవుడ్ చిత్రంలో ఇందు అనే టైటిల్ పాత్రలో ఆమె నటిస్తున్నారు. కియారా డేటింగ్ యాప్స్లో అబ్బాయిలను పరిచయం చేసుకుని…వారితో డేటింగ్ చేసే అమ్మాయి పాత్రలో నటిస్తున్నట్లు సమాచారం. గతంలో లస్ట్ స్టోరీస్ అనే వెబ్ సిరీస్లో కూడా ఇలాంటి అడల్ట్ కంటెంట్ ఉన్న పాత్రలో ఆమె నటించిన విషయం గుర్తుండే ఉంటుంది. ఈ క్రమంలోనే తాజాగా ఇందు కీ జవాని అనే అడల్డ్ కంటెంట్ ఉన్న చిత్రంలో ఆమె బోల్డ్ పాత్ర పోషిస్తుండటం హాట్టాపిక్గా మారింది.
అంతేకాదు దీనిపై కంగనారనౌత్ చెల్లెలు రంగోలి కూడా విమర్శలు గుప్పించారు. మహిళా సాధికారత గురించి మాట్లాడుతూ ఇంకోవైపు మహిళలను ఇలా బొమ్మలుగా చూపే చిత్రాలలో నటించడం కరెక్ట్ కాదంటూ రంగోలి వ్యాఖ్యానించారు. ఇదిలావుండగా…టాలీవుడ్లో భరత్ అనే నేను వంటి సూపర్డూపర్ హిట్ చిత్రం ద్వారా పరిచయమైన కియారాకు ఆ తర్వాత వినయ విధేయ రామ చిత్రం నిరాశను మిగిల్చింది. అటుపిమ్మట టాలీవుడ్లో కొన్ని చిత్రాలకు సంబంధించిన హీరోయిన్ల ఎంపికలో ఆమె పేరు పరిశీలనకు వచ్చినా అవకాశాలు మాత్రం రాలేదు. కాకపోతే బాలీవుడ్లో మాత్రం ఆమెకు ఓ అరడజను సినిమాలు ఆమె చేతిలో ఉన్నాయి. వాటిలో కబీర్సింగ్, గుడ్న్యూస్, షేర్ షా, లక్ష్మీబాంబ్ సినిమాలతో పాటు తాజాగా ఇందూ కి జవానీ అనే చిత్రం ఆమె ఖాతాలో ఉన్నాయి.
|
|