తెలంగాణ ప్రజలకు ముఖ్యగమనిక.. కరెంట్ బిల్లులు ఇలా చెల్లించండి, క్యూ ఆర్ కోడ్తో ఈజీగా
Telangana Telugu | Suryaa Desk | Published : Fri, Jul 05, 2024, 07:27 PM
తెలంగాణలో కరెంట్ బిల్లుల చెల్లింపునకు సంబంధించి కీలక మార్పులు జరిగిన సంగతి తెలిసిందే. ఫోన్ పే, గూగుల్ పే, పేటీఎం వంటి యాప్ల ద్వారా బిల్లుల చెల్లింపులు బంద్ అయ్యాయి. ఇకపై కచ్చితంగా డిస్కం వెబ్సైట్, టీజీఎస్పీడీసీఎల్ మొబైల్ యాప్ ద్వారా మాత్రమే ఆన్లైన్లో కరెంటు బిల్లులు చెల్లించాలని అధికారులు సూచించారు. రిజర్వ్ బ్యాంక్ ఆఫ్ ఇండియా ఆదేశాల మేరకు ఈ నిర్ణయం తీసుకున్నట్లు అధికారులు తెలిపారు. అయితే ఎన్సీడీసీఎల్ (ఉత్తర తెలంగాణ విద్యుత్ పంపిణీ సంస్థ) కరెంట్ బిల్లుల చెల్లింపునకు సంబంధించి కీలక నిర్ణయం తీసుకుంది. ఎన్పీడీసీఎల్ కరెంట్ బిల్లలు చెల్లింపులో సరికొత్తగా క్యూఆర్ కోడ్ విధానాన్ని తీసుకొచ్చింది. ఇకపై ఇళ్లలో మీటర్ల నుంచి రీడింగ్ తీసిన తర్వాత బిల్లు వినియోగదారులకు ఇస్తారు.. ఆ బిల్లు కిందే క్యూఆర్ కోడ్ ముద్రించి ఉంటుంది. వినియోగదారులు తమ మొబైల్ ఫోన్ ద్వారా.. క్యూ ఆర్ కోడ్ను స్కాన్ చేసి డెబిట్, క్రెడిట్ కార్డులు, యూపీఐ, నెట్ బ్యాంకింగ్ ద్వారా కరెంట్ బిల్లును చెల్లించే అవకాశం కల్పించింది ఎన్పీడీసీఎల్.
ముందు పైలట్ ప్రాజెక్టుగా కొన్ని ఈఆర్వో (విద్యుత్తు రెవెన్యూ కార్యాలయాల)ల పరిధిలో ఈ విధానాన్ని తీసుకొచ్చారు. ఆ తర్వాత దశలవారీగా డిస్కం పరిధిలోని అన్ని జిల్లాల్లో క్యూఆర్ కోడ్ బిల్లులు తీసుకొస్తామంటున్నారు అధికారులు. ఇకపై వినియోగదారులు సులభంగా విద్యుత్ బిల్లులు చెల్లించేందుకు వీలుగా ఈ విధానాన్ని తీసుకొచ్చినట్లు అధికారులు చెబుతున్నారు. జులై 1 నుంచి ఆర్బీఐ మార్గదర్శకాలను అనుసరించి విద్యుత్ బిల్లులు చెల్లింపులను ఫోన్ పే, గూగుల్ పే, పేటీఎం, అమెజాన్ పే వంటి యాప్ల ద్వారా చెల్లించడం నిలిపివేసినట్లు విద్యుత్ పంపిణీ సంస్థలు తెలిపాయి. ఆయా విద్యుత్ పంపిణీ సంస్థల పరిధిలోని వినియోగదారులు డిస్కమ్ వెబ్సైట్ లేదా మొబైల్ యాప్ ద్వారానే బిల్లులు చెల్లించాల్సి ఉంటుంది. బిల్లు చెల్లింపుల్లో భద్రత కోసం ఆర్బీఐ ఈ నిర్ణయం తీసుకుంది. ఇకపై బిల్లుల చెల్లింపులు మొత్తం భారత్ బిల్ పేమెంట్ సిస్టమ్ ద్వారానే జరగాలని నిర్ణయించింది. ఈ మేరకు జులై 1 నుంచి ఈ నిబంధనను తీసుకొచ్చారు.
|
|