మహిళ ఎడ్యూకేషన్‌ హబ్‌గా ‘అందోలు’

చదువుతో పాటు సమాజంపై అవగాహన, సంస్కృతిపై  అవగాహన కలిగి ఉండాలన్నారు. మహిళలు స్వతంత్రంగా మనం పెరిగిన సమాజానికి, ప్రాంతానికి తిరిగి సాయం చేసే గుణం అలవర్చుకోవాలని, అమ్మాయిలకు ఎడ్యుకేషన్‌ హబ్‌ అందోలు మారుతుందని   రాష్ట్ర వైద్య ఆరోగ్యశాఖా మంత్రి సి.దామోదర రాజనర్సింహ అన్నారు. గురువారం జోగిపేట, అందోలులోని పాలిటెక్నిక్‌ కళాశాల ఆవరణలో జన్మదిన వేడుకలను వివిధ పాఠశాలలు, కళాశాలల విద్యార్ధినిల మద్య ఘనంగా నిర్వహించారు. సమాజాన్ని తీర్చిదిద్దేది మహిâý లేనని, అందుకే అమ్మాయిలకు చదువు చాలా ముఖ్యమని   భార్యగా, తల్లిగా, అక్కగా మహిళలు విజ్ఞానవంతులైతే సమాజం గుణాత్మక అభివృద్దివైపు పురోగమిస్తుందన్నారు.   భవిష్యత్తులో ఇక్కడి విద్యా సంస్థలు అన్నింటినీ విద్యార్థులు గర్వపడే స్థాయిలో తీర్చిదిద్దుతామన్నారు. రాష్ట్రంలోని అన్ని ప్రాంతాల నుంచి వచ్చిన విద్యార్థులు ఆందోల్‌కు వచ్చి చదువుకుంటున్నారన్నారు. వాళ్లంతా మంచిగా చదివి, ఉద్యోగాలు సాధించాలని ఆశిస్తున్నానన్నారు. ప్రస్తుతం ఉన్న కాంపిటీటివ్‌ సమాజంలో సక్సెస్‌ కావాలంటే చదువుతో పాటు క్రమ శిక్షణ, నిరంతర కృషి అవసరం అన్నారు. తల్లిదండ్రులు, గురువులు విద్యార్థుల్లోని నైపుణ్యాలను గుర్తించి ప్రోత్సహించాలన్నారు. తల్లిదండ్రులు, గురువులను పిల్లలు గౌరవించాలన్నారు.
ఘనంగా జన్మదిన వేడుకలు జోగిపేటలో మున్సిపల్‌ కౌన్సిలర్‌ చిట్టిబాబు ఆధ్వర్యంలో జన్మదిన వేడుకలను ఘనంగా నిర్వహించారు. హనుమాన్‌ జంక్షన్‌లో కేక్‌ కట్‌ చేశారు. అనంతరం ప్రత్యేకంగా తయారు చేసిన గజమాలతో మంత్రిని సన్మానించారు.  ఈ సందర్భంగా విద్యార్థులు నిర్వహించిన సాంస్కృతిక కార్యక్రమాలను ఎంపీ సురేష్‌ షెట్కార్, కలెక్టర్‌ వల్లూరు క్రాంతి, మంత్రి సతీమణి,పద్మిణీ,  మునిసిపల్‌ చైర్మన్‌ జి.మల్లయ్య, ఏఎంసీ చైర్మన్‌ జగన్మొహన్‌రెడ్డి, మున్సిపల్‌ కౌన్సిలర్‌లు సురేందర్‌గౌడ్, శంకర్, నాగరాజు, దుర్గేష్, చందర్‌నాయక్‌లతో పాటు పలువురు పాల్గొన్నారు.