ఇజ్రాయేల్ ప్రధాని నివాసంపై ప్లాష్ బాంబులతో దాడి.. షాకింగ్ వీడియో

హమాస్, హెజ్బొల్లా, ఇజ్రాయేల్‌ యుద్ధంలో సంచలన ఘటన చోటుచేసుకుంది. ఇజ్రాయేల్‌ ప్రధాన మంత్ని బెంజమిన్‌ నెతన్యాహు ఇంటి సమీపంలో మరోసారి బాంబు దాడి కలకలం రేపుతోంది. ఫ్లాష్ బాంబు దాడితో పేలుడు సంభవించి భారీ ఎత్తున మంటలు చెలరేగాయి. దాడి సమయంలో నెతన్యాహు ఇంట్లో లేకపోవడంతో పెను ప్రమాదం తప్పిందని అధికారులు వెల్లడించారు. ఉత్తర ఇజ్రాయేల్‌లో సిజేరియా నగరంలోని నెతన్యాహు ఇంటి బయట గార్డెన్‌లో ఆదివారం తెల్లవారుజామున ఫ్లాష్‌ బాంబు దాడి జరిగింది. ఈ దాడితో గార్డెన్‌లో ఒక్కసారిగా మంటలు చెలరేగాయి.

అయితే, బాంబు దాడి జరిగిన సమయంలో ప్రధాని నెతన్యాహు, ఆయన కుటుంబ సభ్యులు ఎవరూ ఇంట్లో లేకపోవడంతో ప్రమాదం తప్పింది. దాడిలో అక్కడున్న వారికి ఎలాంటి గాయాలు కాలేదని అధికారులు వెల్లడించారు. ఈ మేరకు పోలీస్, షిన్ బెట్ ఇంటర్నల్ సెక్యూరిటీ సంయుక్తంగా ఓ ప్రకటన చేశాయి. ఇది చాలా తీవ్రమైన ఘటన, ఉద్రిక్తతలను మరింత రెచ్చగొడుతుందని పేర్కొన్నారు. దీనిపై దర్యాప్తు మొదలైనట్టు తెలిపారు. కాగా, నెల రోజుల వ్యవధిలో నెతన్యాహు ఇంటిపై దాడి జరగడం ఇది రెండోసారి. అక్టోబరు 19న నెతన్యాహు ఇంటిపై డ్రోన్ల దాడికి తామే పాల్పడినట్టు హెజ్బొల్లా గ్రూప్ ప్రకటన చేసిన విషయం తెలిసిందే.

మరోవైపు, ప్రధాని ఇంటిపై బాంబు దాడిని ఇజ్రాయేల్ అధ్యక్షుడు ఐజాక్ హెర్జోగ్ త్రీవంగా ఖండించారు. దాడికి ఘటనపై త్వరితగతిన దర్యాప్తు చేయాలని ఆదేశాలు జారీ చేసిన ఆయ.. ప్రజాక్షేత్రం హింసం రెచ్చగొట్టడం మంచిది కాదని హెచ్చరించారు. షిన్ బెట్ చీఫ్‌తో మాట్లాడిన ఆయన.. దాడిపై అత్యవసరంగా దర్యాప్తు చేపట్టి.. వీలైనంత తర్వగా బాధ్యులను గుర్తించాలని సూచించారు. ఈ ఘటనపై ఇజ్రాయేల్ రక్షణ మంత్రి ఇతామర్ బెన్-గ్విర్ మాట్లాడుతూ.‘. ప్రధాని ఇంటిపై ఫ్లాష్ బాంబు దాడితో రెడ్ లైన్ క్రాస్ చేసినట్లైంది... దానికి తీవ్ర పరిణామాలు ఎదుర్కొవాల్సిందే’అని ఆయన వార్నింగ్ ఇచ్చారు. బాంబు దాడికి పాల్పడిన వారిపై ప్రతి దాడి తప్పదని హెచ్చరించారు.

లెబనాన్‌లోని హెజ్బొల్లా స్థావరాలపై సెప్టెంబరు 23 నుంచి ఇజ్రాయేల్ దాడులు ప్రారంభించింది. గతేడాది అక్టోబరు 7 నాటి హమాస్ నరమేథానికి ప్రతీకారంగా గాజాలో వారి స్థావరాలపై ఇజ్రాయేల్ విరుచుకుపడుతోంది. అయితే,అప్పటి నుంచి హమాస్‌కు మద్దతుగా.. ఇజ్రాయేల్‌ సరిహద్దు ప్రాంతం హైఫాపై హెజ్బొల్లా లక్షిత దాడులు జరుపుతోంది. శనివారం హైఫాలో జరిగిన దాడిలో ఇద్దరు గాయపడినట్టు ఇజ్రాయేల్ వెల్లడించింది. కాగా, లెబనాన్‌లో పేజర్ పేలుళ్లకు తానే గ్రీన్ సిగ్నల్ ఇచ్చినట్టు బెంజమిన్ నెతన్యాహు ఇటీవలే అంగీకరించిన విషయం తెలిసిందే.